Fångsjön

Frå Wikipedia – det frie oppslagsverket
Hopp til navigering Hopp til søk
Helleristningar ved Fångsjön. Foto: Erik Svanberg

Fångsjön er ein innsjø nord i Jämtland i Sverige, ca. 6 km søraust for Strömsund, mest kjend for helleristningane sine. Det er òg avdekt steinalderbuplassar og fangstgroper i tilknyting til innsjøen. Fångsjön er av nasjonal svensk interesse for kulturbevaring som følgje av dei forhistoriske leivningane på staden, og er difor verna i samsvar med Miljöbalken.

Helleristingane[endre | endre wikiteksten]

På ei bratt klippe ved den nordaustlege breidda av Fångsjön, midt på Fångsjöberget, finn ein helleristingane, som består av tre figurgrupper som inneheld mellom anna to menneskefigurar og eit tjuetalls elgfigurar. Motiva er vende mot innsjøen, og kan lettast studerast frå isen eller den nyanlagte brygga som fører fram til helleristingane. Helleristingar er vanskelege å tidfeste, men desse er truleg utført av eit jegerfolk i yngre steinalder, omkring 2500-2000 f.Kr.

Kjelder[endre | endre wikiteksten]

Bakgrunnsstoff[endre | endre wikiteksten]

Koordinatar: 63°49′0″N 15°42′0″E