Fåvang

	Fåvang
	stad
	Fåvang stasjon
Land	Noreg
Fylke	Innlandet
Kommune	Ringebu
Areal	0,97 km²
Folketal	726 (2023)
Folketettleik	748 / km²
Postnummer	2634 FÅVANG
Preposisjon	i Fåvang
	; Fåvang; 61°27′20″N 10°11′40″E / 61.45555556°N 10.19444444°E
	Wikimedia Commons: Fåvang

Fåvang er eit sokn og ein tettstad i Ringebu kommune, sør i Gudbrandsdalen i Innlandet fylke.

Fåvang sokn[endre | endre wikiteksten]

Såvang sokn har drygt 1 200 innbyggjarar og femnar om bygdene på begge sider av Gudbrandsdalslågen, frå Tromsa og Moelva i nord til grensa mot Lillehammer kommune i sør. Soknegrensa langsmed Tromsa delar tettstaden Fåvang i to omtrent like store partar, slik at den nordre delen høyrer til Ringebu sokn. Fåvang kyrkje frå 1630 ligg fire kilometer sørom tettstaden.

Fåvang tettstad[endre | endre wikiteksten]

Tettstaden har 726 innbyggjarar per 1. januar 2023 og ligg ein mil sørom Ringebu og fem mil nordom Lillehammer, på austsida av Gudbrandsdalslågen. Som nemnt ovanfor er staden delt av elva Tromsa i ein nordleg del som høyrer til Ringebu sokn og ein sørleg del som høyrer til Fåvang sokn. Tettstaden har vakse fram som stasjonsby etter at Fåvang stasjon ved Dovrebanen blei opna i 1896. Stasjonen ligg på vestsida av Lågen og heitte fram till 1921 Myre stasjon.

Folketalsutvikling i tettstaden Fåvang
År			Innbyggjarar
1920			169
1930			167
1946			309
1950			352
1960			584
1970			644
1980			743
1990			726
2000			698
2009			687
2012			686
Kjelder: SSB: Norske folketeljingar SSB: Folkemengd i tettstader

På vestsida av Lågen, kring tre km. frå Fåvang sentrum ligg Kvitfjell alpinanlegg. Kvitfjell var arena under Lillehammer-OL i 1994. I Kvitfjell vert det arrangert verdscuprenn i super-G og utfor kvar vinter.

Lågen byr på eit godt fiske.