F.R. David

Frå Wikipedia – det frie oppslagsverket
Hopp til navigering Hopp til søk
F. R. David
FRDavid cpr.jpg
Fødd1. januar 1947 (72 år)
FødestadMenzel Bourguiba i Tunisia
FødenamnElli Robert Fitoussi
OpphavFrankrike
Aktiv1967 til i dag
SjangerEuropop, poprock
InstrumentVokal, bass, gitar, piano, keyboard, trommer
PlateselskapCarrere, CBS
Verka somSongar-låtskrivar

F. R. David (fødd 1. januar 1947 som Elli Robert Fitoussi) er ein tunisiskfødd fransk songar som er mest kjend for hitsingelen «Words (Don't Come Easy)» frå 1982.

Karriere[endre | endre wikiteksten]

F. R. David byrjar karrieren sin som Robert Fitoussi, songar og gitarist i det franske garagebandet Les Trèfles. Etter ein EP vart bandet til Les Boots, men fekk lite kommersiell suksess. Etter at han gav seg scenenamnet sitt, gjekk han solo i 1967 og spelte inn psykedelisk orkesterpop med Michel Colombier, inkludert ein versjon av The Beatles sin «Strawberry Fields Forever» (Il Est Plus Facile). Han fekk ein mindre hitt med Éric Charden sin «Symphonie» og ein versjon av The Bee Gees sin «Sir Geoffrey Saved The World», men suksessen varte ikkje.

Tidleg i 1970-åra danna det progressive rockebandet David Explosion, men det eine albumet deira selde dårleg. Han arbeidde ei stund med Vangelis, og song på somme av dei tidlege albuma hans i 1970-åra. Han vart så med i det franske rockebandet Les Variations, og var med på det siste albumet deira Café De Paris, med ein tidleg rocke-disco-låt, «Superman, Superman». Då bandet vart oppløyst gjekk han solo igjen.

Den største bragden hans var hitten «Words» i 1982, som selde åtte millionar eksemplar verda over, og toppa salslister fleire stader i Europa. Singelen nådde andreplassen på UK Singles Chart i Storbritannia[1] våren 1983. Singelen vart den 22. mest selde i Storbritannia i 1983.

I 1990-åra skreiv han hovudsakleg musikk for andre artistar. F. R. David gav ut albumet Words - '99 Version i 2000 med hovudsakleg coverversjonar. I 2009 gav han ut albumet Numbers, som var eit samarbeid med andre musikarar og med songar som F. R. David sjølv likte.[2]

Mellom 2010 og 2011 spelte han 52 konsertar i Frankrike.[2]

Diskografi[endre | endre wikiteksten]

Album[endre | endre wikiteksten]

  • Tout Va Bien (med Les Boots) (1968)
  • Earth med Vangelis (1973)
  • Café De Paris (med Les Variations) (1975)
  • Close But No Guitar (med Marc Tobaly) (1978)
  • Words (1982)
  • Long Distance Flight (1984)
  • Reflections (1987)
  • Voices Of The Blue Planet (1998)
  • Words – '99 Version (1999)
  • The Wheel (2007)
  • Numbers (2009)
  • Midnight Drive (2013)

Singlar[endre | endre wikiteksten]

  • «Words» (1982)
  • «Pick Up The Phone» (1982)
  • «Music» (1983)
  • «I Need You» (1983)
  • «Gotta Get A Move On» (1983)
  • «Play A Little Game» (1983)
  • «Rock Fame» (1983)
  • «Sand Dunes» (1983)
  • «Dream Away» (1984)
  • «Sahara Night» (1986)
  • «Don't Go» (1987)
  • «Words '91» (1991)
  • «I'll Try To Love Again» (1992)

Samleplater[endre | endre wikiteksten]

  • Greatest Hits (1991)
  • Best Of F. R. David (2000)
  • Songbook (2003)

Kjelder[endre | endre wikiteksten]

  1. German, Yuri. «Biography: F.R. David». AMG. Henta 4. september 2014. 
  2. 2,0 2,1 Site officiel. F. R. David. Henta 4. september 2014.

Bakgrunnsstoff[endre | endre wikiteksten]