FC Porto

Frå Wikipedia – det frie oppslagsverket
Gå til: navigering, søk

Futebol Clube do Porto, til dagleg kjend som FC Porto, Porto eller FCP, er eit idrettslag i Porto i Portugal. Laget, som vart stifta 28. september 1893, er særleg kjend som fotballklubb. FC Porto er ein av dei tre storklubbane (Três Grandes) i Portugal.

FC Porto nådde i 1984 finalen i Cupvinnarcupen, der det vart tap 1-2 mot Juventus. Sidan har klubben spela seg fram til finalane i fleire store europeiske fotballturneringar, og vunne dei alle. I 1987 vart det siger i Europacupen, i 2003 i UEFA-cupen, i 2004 i Meisterligaen og i 2011 i Europaligaen.

FC Porto har vunne 26 nasjonale seriemeisterskap (Primeira Liga) og gått til topps i 20 nasjonale cupturneringar (Taça de Portugal). Klubben klarte i 2010/11-sesongen å spele samtlege 30 seriekampar utan å tape.

FC Porto var med å grunnleggje Primeira Liga i 1933, og har aldri rykt ned frå toppdivisjonen i portugisisk fotball.

Kjelder[endre | endre wikiteksten]