Fagskulen Vestland
| Fagskulen Vestland | |||
| Grunnlagt | 1. januar 2017 | ||
|---|---|---|---|
| Type | Fagskule | ||
| Rektor | Torbjørn Mjelstad | ||
| Studentar | 2170 (2024) | ||
| Tilsette | 200 (2024) | ||
| Nettstad | https://www.fagskulen.no (nynorsk) | ||
| Erstattar | Bergen tekniske fagskole, Bergen maritime videregående skole og Bergen maritime fagskole | ||
 Fagskulen Vestland 60°23′47″N 5°18′50″E / 60.396483888889°N 5.3140030555556°E | |||
Fagskulen Vestland er ein norsk offentleg fagskule med 2 170 studentar og 200 tilsette (2024).[1] Skulen vart etablert i 2017 som ei samanslåing av Bergen maritime vidaregåande skule og Bergen maritime fagskule, seinare Fagskulen i Hordaland og Bergen tekniske fagskule og Fagskulen i Sogn og Fjordane. Skulen tilbyr høgare yrkesfagleg utdanning.[2]
Studentane ved skulen studerer deltid og samlingsbasert over tre år, eller heiltidsstudium over to år. To år med tekniske studium gir høgare fagskulegrad som fagskuleingeniør, tilsvarande 120 studiepoeng, og eitt år gir fagskulegrad som fagskuleingeniør (60 studiepoeng).[3] 120 studiepoeng frå fagskule kvalifiserer i tillegg til generell studiekompetanse. Studentane vert tatt opp på grunnlag av fullført fagbrev, generell studiekompetanse eller realkompetanse.[4]
Studentane ved Fagskulen Vestland er medlem av Studentsamskipnaden på Vestlandet (Sammen). Fagskulen Vestland er medlem i interesseorganisasjonen for offentlege fagskular, HØY. Det nasjonale ansvaret for offentleg fagskuleutdanning ligg hos Direktoratet for høyere utdanning og kompetanse. Skulen sine utdanningstilbod er underlagt Lov om høgare yrkesfagleg utdanning (fagskoleloven).[5]
Historie
[endre | endre wikiteksten]«Sløidskulen» vart oppretta i 1886. I 1889 vart namnet endra til Bergen fagskole. Frå 1945 til 2017 heit skulen Bergen tekniske fagskule, og då han i 2017 vart slått saman med Bergen Maritime Fagskole og vidaregåande skule, tok han namnet Fagskolen i Hordaland. Ved fylkessamanslåinga mellom Hordaland og Sogn og Fjordane, i 2022 vart dei offentlege fagskulane i det nye Vestland fylke slått saman, og skulen fekk namnet Fagskulen Vestland. Hovudadministrasjonen for skulen ligg på Nordnes i Bergen.
Studiestader
[endre | endre wikiteksten]Per 2024 har Fagskulen Vestland studietilbod fordelt på følgande studiestader: Austevoll,[6] Førde,[7] Hjeltnes,[8] Måløy,[9] Nordnes[10] og Nygård[11] i Bergen, Stord[12] og Voss.[13]
Skulen utviklar studium i tett samarbeid med lokale bedrifter. Aker Solutions Stord samarbeider om studium i maskinteknikk, maskinteknikk med ISO-fag, elektro og robotikk gjennom det som vert kalla Stord-modellen for utdanning.[14] Studentane tar fulltidstudium samstundes som dei jobbar for Aker Solutions.
Skulen har i tillegg kortare utdanningar og kurs utvikla i samarbeid med industri og næringsliv i Vestland. Skulen tilbyr òg kurs som fører til sertifisering, som CETOP 1, 2 og 3 innafor hydraulikk.
Studietilbod
[endre | endre wikiteksten]- Prosessteknikk
- Maskinteknikk
- Maskinteknikk med ISO
- Elkraft
- Klassisk bygningshandverk
- Robotikk
Kjelder
[endre | endre wikiteksten]- ↑ «Alt om fagskulen | Fagskulen Vestland». www.fagskulen.no (på norsk). Henta 18. september 2024.
- ↑ «Tekniske utdanningar». www.fagskulen.no (på norsk). Fagskulen Vestland. Henta 17. september 2024.
- ↑ «Forskjeller på fagskole og høgskole/universitet». Utdanning.no (på norsk bokmål). Henta 18. september 2024.
- ↑ «Fagskulen Vestland | Fagskule og vidareutdanning». Fagskulen Vestland. Henta 5. september 2024.
- ↑ «Lov om høyere yrkesfaglig utdanning (fagskoleloven) - Lovdata». lovdata.no. Henta 19. september 2024.
- ↑ «Studiestad Austevoll». www.fagskulen.no (på norsk). Fagskulen Vestland. Henta 17. september 2024.
- ↑ «Studiestad Førde». www.fagskulen.no (på norsk). Fagskulen Vestland. Henta 17. september 2024.
- ↑ «Studiestad Hjeltnes». www.fagskulen.no (på norsk). Fagskulen Vestland. Henta 17. september 2024.
- ↑ «Studiestad Måløy». www.fagskulen.no (på norsk). Fagskulen Vestland. Henta 17. september 2024.
- ↑ «Studiestad Nordnes». www.fagskulen.no (på norsk). Fagskulen Vestland. Henta 17. september 2024.
- ↑ «Studiestad Nordre Nygård». www.fagskulen.no (på norsk). Fagskulen Vestland. Henta 17. september 2024.
- ↑ «Studiestad Stord». www.fagskulen.no (på norsk). Fagskulen Vestland. Henta 17. september 2024.
- ↑ «Studiestad Voss». www.fagskulen.no (på norsk). Fagskulen Vestland. Henta 17. september 2024.
- ↑ «Heiar på Stord-modellen». www.hvl.no. 28. april 2017. Henta 19. september 2024.
- Denne artikkelen bygger på «Fagskulen Vestland» frå Wikipedia på bokmål, den 23. september 2024.
