Faina Melnik

Frå Wikipedia – det frie oppslagsverket
Hopp til navigering Hopp til søk
Faina Melnik
Faina Melnyk 2010 Armenian stamp.jpg
Faina Melnik på eit armensk frimerke frå 2010
Fødd 9. juni 1945
Bakota, Ukraine
Død

16. desember 2016
Moskva

Yrke friidrettsutøvar
Faina Melnik på Commons
Faina Melnik i 1972

Faina Grigorjevna Melnik [a] (6. september 194516. desember 2016) var ein sovjetisk-ukrainsk friidrettsutøvar frå Bakota i Ukraina som deltok i diskoskast, og sjeldnare, i kulestøyt. I tida 1971-74 vann ho to EM-gull og eitt OL-gull i diskosøvinga. Ho tevla for Sovjetunionen.

Aktiv[endre | endre wikiteksten]

I europameisterskapen 1971 i Helsingfors vann Melnik gullmedaljen i diskos med ny verdsrekord på 64,22 meter, meir enn to meter lengre enn det sølvmedaljøren Liesel Westermann frå Vest-Tyskland oppnådde. Føre dei olympiske sommarleikane 1972 i München hadde Melnik forbetra verdsrekorden til 65,48 meter under eit stemne i Augsburg i slutten av juni. Den 4. august 1972 forlenga ho rekorden til 66,76 meter i Moskva. Under OL i München vann ho etter eit vinnarkast på heile 66,62 m, ein halv meter føre Argentina Menis frå Romania. I 1973 gjekk Melnik til topps i øvinga under universiaden med sluttresultatet 64,54 meter.

Melnik slengde diskosen heile 69,00 m då ho i 1974 forsvarte EM-tittelen i diskos under europameisterskapen i Roma, sølvvinnar Menis stoppa på 64,62 meter. Under sommarleikane 1976 i Montreal hamna Melnik på fjerdeplassen i diskosøvinga med 66,40 meter. Tre dagar seinare deltok ho i kulestøyt og vart nummer ti med 18,07 meter.

Etter 62,30 m i diskosfinalen under EM i friidrett 1978 vart ho nummer fem i øvinga. Ho mislukkast i å kvalifiserere seg til finalen då ho deltok i diskoskasting under Sommar-OL 1980 i Moskva.

Mellom 1971 og 1976 sette Melnik 11 verdsrekordar i diskoskast. Den siste vart målt til 70,50 m. Ho var elles den fyrste kvinna som slengde ein diskos over 70 meter.

Melnik var 1977-79 gift med diskoskastaren Velko Velev frå Bulgaria.

Merknadar[endre | endre wikiteksten]

  1. Russisk skrift Фаина Григорьевна Мельник, ukrainsk skrift Фаїна Григорівна Мельник

Kjelder[endre | endre wikiteksten]