Faith Kipyegon

Faith Kipyegon
Statsborgarskap	Kenya
Fødd	10. januar 1994 (30 år) Bomet
Idrett	friidrett
Tok del i	Sommar-OL 2012, VM i friidrett 2013, VM i friidrett 2015, Samveldeleikane 2014, Friidrett under Sommer-OL 2016 – 1500 meter kvinner, Friidrett under Sommer-OL 2020 – 1500 meter kvinner

Faith Chepngetich Kipyegon (fødd 10. januar 1994) er ein kenyansk friidrettsutøvar frå Bomet fylke i det sørvestlege Kenya som tevlar i mellomdistanseløp. Ho vart olympisk meister på 1500 meter i Sommar-OL 2016 i Rio de Janeiro, så vel som Tokyo i 2021. I mellomtida vart ho verdsmeister på distansen ved VM i friidrett 2017.

Aktiv

19 år gammal sette Kipyegon sette kenyansk rekord med sterke 3.56,9. To år seinare kneip ho sølvmedaljen på distansen i Beijing-VM. I mai 2016 forbetra ho landsrekorden to gonger, fyrst til 3.56,8 i Shanghai og der etter til 3.56,4 i Eugene i Oregon. 16. august 2016 var ho uimotståeleg i innspurten på 1500 m under sommarleikane i Rio de Janeiro. Året etter vart ho mykje meir pressa i avslutninga på VM-finalen i London, men lukkast vinne ein ny gullmedalje.

Under verdsmeisterskapen 2019 i Doha kneip Kipyegon sølvmedaljen på ny kenyansk rekord: 3.54,2, likevel var ho sjanselaus mot nederlandske Sifan Hassan. I juni 2021 flytta Kipyegon landsrekorden til 3.53,9, for så den 10. juli i Monaco til 3.51,0. Den 6.august 2021 forsvarte ho den olympiske meistertittelen då ho i Tokyo vann klart og sette olympisk rekord på 3.53,1.

Medaljar og plasseringar i internasjonale meisterskap

• OL 2012 i London: Utslått i kvalifiseringa (4.08,7 =nr 25)
• VM 2013 i Moskva: Nr 5 – 4.05,0
• VM 2015 i Beijing: Sølvmedalje – 4.08,9, bakom Genzebe Dibaba (4,08,0)
• OL 2016 i Rio de Janeiro: Gullmedalje – 4.08,9, framom Genzebe Dibaba (4,10,2)
• VM 2017 i London: Gullmedalje – 4.02,5, framom Jennifer Simpson (4.02,7)
• VM 2019 i Doha: Sølvmedalje – 3.54,2, bakom Sifan Hassan (3.51,9)
• OL i 2021 i Tokyo: Gullmedalje – 3.53,1, framom Laura Muir (3.54,5)

Kjelder

• Denne artikkelen bygger på «Faith Kipyegon» frå Wikipedia på engelsk, den 10. mai 2021.