Falcon Heavy

Frå Wikipedia – det frie oppslagsverket
Falcon Heavy på oppskytingsrampe 39A
Falcon Heavy under oppskyting
Siderakettane frå ei oppskyting kjem inn for landing på Cape Canaveral
Midrakett kjem inn for landing på prammen Of Course I Still Love You ute i Atlanterhavet

Falcon Heavy er ein bererakett utvikla av SpaceX. Han kan skyta opptil 54 tonn nytelast opp i jordbane.[1]

Den fyrste oppskytinga av raketten fann stad 6. februar 2018 og var ei prøveoppskyting. Ho sende ein Tesla Roadster ått av Elon Musk med ei dokke i førarsetet inn i solbane.[2] Den fyrste kommersielle oppskytinga fann stad litt over eitt år seinare, 12. april 2019 norsk tid.[3]

Fyrstesteget til Falcon Heavy er sett saman av tre Falcon 9-rakettar med ni Merlin-rakettmotorar kvar, slik at heile fyrstesteget i alt har 27 rakettmotorar. Dei tre fyrstestegsrakettane er sette saman slik at ein rakett sit i midten og ber andresteget med nyttelasta, medan dei to andre rakettane er feste til midraketten på kvar si side.[1]

Kjelder[endre | endre wikiteksten]

  1. 1,0 1,1 «Falcon Heavy» - SpaceX
  2. «Updated | SpaceX successfully launches Falcon Heavy» - SpaceNews
  3. «SpaceX’s Falcon Heavy successful in commercial debut» - Spaceflight Now
Spire Denne teknologiartikkelen er ei spire. Du kan hjelpe Nynorsk Wikipedia gjennom å utvide han.