Familien Tolstoj
Tolstoj eller Tolstoy (russisk Толсто́й) er ein framståande russisk adelsfamilie som hadde grevestatus i Tsar-Russland. Familien har hatt stor innverknad på russisk politikk, militærhistorie, litteratur og kunst. Den best kjende medlemmen er forfattaren Lev Tolstoj (Leo Tolstoj).
Familien stammar frå Andrej Kharitonovitsj Tolstoj, som flytta frå Tsjernigov til Moskva og tente under Vasilij II av Moskva på 1400-talet. Namnet «Tolstoy» er avleidd frå det russiske adjektivet tolstyj (толстый), som tyder 'tjukk, feit, kraftig'.
Sidan den russiske revolusjonen har fleire medlem av familien Tolstoj slått seg ned i andre land som Sverige, Tyskland, Storbritannia, Frankrike og USA.
Tolstoy i Sverige[endre | endre wikiteksten]
Sonen til Lev Tolstoj, grev Lev Tolstoj (1869–1945), flytta til Sverige og var gift med Dorothea (Dora) Westerlund, dotter av doktor Ernst Westerlund i Enköping. Dei har etterkomarar med etternamnet Tolstoy, Paus, Ceder og andre namn, blant anna songaren Viktoria Tolstoy (opphavleg Kjellberg). Etterkomarane hans i Pausfamiljen eig godset Herresta.[1]
I Sverige er ætta medlem av Ointroducerad adels förening. Ho skriv namnet «Tolstoy».
Kjende medlemmer[endre | endre wikiteksten]
- Jegor Petrovitsj Tolstoj (1802-1874) russisk greve, generalløytnant og senator
- Lev Tolstoj (1828-1910), russisk forfattar
- Aleksej Tolstoj (1817-1875), russisk greve og forfattar
- Aleksej Tolstoj (1883-1945), russisk forfattar
- Dmitrij Tolstoj (1823-1889), russisk greve og statsmann
- Fjodor Tolstoj (1783–1873), russisk greve og bilethoggar
- Aleksandr Osterman-Tolstoj (1770-1857), russisk greve og general
- Tatiana Tolstoy-Paus (1914-2007), svensk kunstnar, sosietetskvinne og politikar
- Nikolai Tolstoy (f. 1935), britisk historikar
- Tatjana Tolstaja (f. 1951), russisk forfattar og programleiar
- Sophie Tolstoy (f. 1967), svensk skodespelar
- Alexander Tolstoy (f. 1969), svensk skodespelar
Galleri[endre | endre wikiteksten]
-
Aleksandr Osterman-Tolstoj (1770–1857), greve og general -
Fjodor Tolstoj (1783–1873) -
Lev Tolstoj (1828-1910), russisk forfattar -
Kona til Lev Tolstoj, Sofia og dottera deira Aleksandra
Kjelder[endre | endre wikiteksten]
- ↑ Nikolai Puzin, The Lev Tolstoy House-Museum In Yasnaya Polyana, 1998, med ei oversikt over etterkomarane til Leo Tolstoj.
- Denne artikkelen bygger på «Tolstoj (släkt)» frå Wikipedia på svensk, og «Tolstoy family» frå Wikipedia på engelsk den 24. mars 2021.