Ferenc Puskás

Frå Wikipedia – det frie oppslagsverket
Gå til: navigering, søk
Ferenc Puskás
Real Madrid tegen Feyenoord 0-5, Kuiver met bal vraagt handtekening van Puskas (cropped).jpg
Fødd 2. april 1927
Budapest
Død

17. november 2006
Budapest

Ferenc Puskás på Commons

Ferenc Puskás (2. april 192717. november 2006) var ein ungarsk fotballspelar, fødd og død i Budapest. Han var den aller beste spelaren på det fabelaktige landslaget til Ungarn som i tida 1950-56 imponerte all fotballekspertise. Puskás skåra 83 mål på 84 landskampar for Ungarn i perioden 1945–56. Han var sentral då Ungarn vann OL-gull i 1952, og då laget overraskande tapte VM-finalen 1954 mot Vest-Tyskland med 2 mot 3 mål. Tapet var Ungarns fyrste på over fire år.

Ferenc Puskás i 1954
Puskás i Real Madrid-drakt

Puskás spelte på Budapest-laget Kispest Honvéd frå 1943 til 1956, eit lag han vann fem nasjonale seriemeisterskap med i tida 1950 til 1955. Då Sovjetunionen invadert Ungarn hausten 1956, rømde Puskás landet. Han signerte i 1958 kontrakt med den spanske storklubben Real Madrid, og vart dei neste åra spansk seriemeister fem gonger. Både i 1959 og 1960 var han med på å vinne Europacupen. I 1960-finalen, då Real Madrid vann heile 7-3 over Eintracht Frankfurt, skåra Puskás fire av måla og lagkameraten Alfredo Di Stéfano dei tre andre. Totalt skåra Puskás 157 mål på 182 kampar for det spanske meisterlaget.

I 1962 fekk Puskás spansk pass, og var med i Spania sin tropp til fotball-VM i Chile. Han spelte fire landskamper for Spania, utan å skåre.

Puskás kom i 1960 på andreplassen i kåringa av Årets spelar i Europa. Han la fotballskoa på hylla i 1966.

Kjelder[endre | endre wikiteksten]