Norsk nynorsk: Strilelandet ligg mellom dei to gule grensene. Dette er om vi avgrensar strilen etter kor langt det er muleg å ro på ein dag. Ror ein i 3 knop i 10 timar, når ein 30 nautiske mil eller ca 55 km frå bykjernen. Det må seiast å vera det absolutt lengste det er praktisk muleg å ro samanhengande på ein "dag" under optimale tilhøve. Grensa mot Bergen by er kommunegrensa frå 1837, med tillegg av områda Møhlenpris, Nygård og Kalfaret, som fram til 1877 hørte til Bergen landdistrikt, og områda Årstad, Sandviken og Gyldenpris, som alle var del av Bergen før utvidingane etter andre verdskrigen.

Den ytre svarte streken omfattar resten av kommunane Austrheim, Vaksdal, Samnanger, Fusa, Tysnes og Austevoll, heile kommunane Modalen, Masfjorden og Fedje, og tidlegare Eivindvik prestegjeld i Gulen kommune. Dette blir Strilelandet om ein avgrensar det ut frå litt andre kriteria, og tar med heile distrikta Nordhordland og Midthordland, med tillegg av Eivindvik i Sogn og Tysnes i Sunnhordland. Det blå området er der i dag (2015) bergensk er den dominerande dialekten både blant vaksne og barn. I dette området blir det nesten utelukkande brukt bokmål i skule, kommunal forvaltning og næringsliv. Innanfor den svarte linja er bergensk klart dominant, i dei blå områda like utanfor streken held bergensk på å erobra terreng mot strilemålet i alle aldersgrupper. Strilelandet nærmast utanfor den svarte grensa blir av "nynorskfolket" (målrørsla) kalt "randsona", der har nynorsken dei siste tiåra gått sterkt tilbake som skulemål. Her blir bokmål brukt stadig meir, særleg i næringslivet. I resten av Strilelandet er nynorsken sin situasjon tryggare.

Norwegian maps are released for free non-commercial use. I modified the original file.

© Kartverket (CC BY 4.0)

License: http://kartverket.no/Kart/Gratis-kartdata/Lisens/

Source: http://norgeskart.no