Fjell kyrkje i Hordaland
| Fjell kyrkje | |||
| kyrkje | |||
 | |||
| Land |  Noreg
| ||
|---|---|---|---|
| Fylke | Vestland | ||
| Kommune | Øygarden | ||
| Kyrkjesamfunn | Den norske kyrkja | ||
| Bispedøme | Bjørgvin | ||
| Prosti | Vesthordland | ||
| Sokn | Fjell | ||
| Fellesråd | Fjell | ||
| Arkitekt | Conrad Fredrik von der Lippe | ||
| Innvigd | 28. august 1874 | ||
| - Endringar | Rest. 1961–62, påb. 1972 | ||
| Klokker | 2, Laxevaags Værk (1874) | ||
| Kyrkjegard | Ja | ||
| Preikestol | (1874) | ||
| Døypefont | (1874) | ||
| Altartavle | Glasmåleri i korvindauga | ||
| Orgel | Verschueren (1996) | ||
| Sitjeplassar | 700 | ||
 Fjell kyrkje i Hordaland 60°19′52″N 5°04′32″E / 60.33102694°N 5.07568389°E | |||
| Wikimedia Commons: Fjell kyrkje | |||
Fjell kyrkje er ei langkyrkje på Sotra, i Øygarden kommune i Vestland fylke. Kyrkja vart teikna av arkitekt Conrad Fredrik von der Lippe og oppført av byggmeister Ole Syslak. Ho har 700 sitjeplassar.[1] Interiøret vart endra i 1961–62, og i 1972 fekk kyrkja ei tverrfløy med kyrkjelydshus (ark. Torgeir Alvsaker og Einar Vaardal-Lunde).
Interiør og inventar[endre | endre wikiteksten]
Glasmåleri i korvindauga fungerer som altarbilete. Motivet er krossfestinga. Måleria rundt korbåga vart laga av Bjørn Tvedt i 1962. Preikestolen og døypefonten er på alder med kyrkja. Kyrkja fekk nytt orgel i 1996 (opus 1060 frå Verschueren).[2] Dei to klokkene er støypte av Laxevaags Værk.
Tidlegare kyrkjer[endre | endre wikiteksten]
Ei stavkyrkje vart riven før 1686, då ei tømmerkyrkje er omtala. Tømmerkyrkja fekk nytt skip i 1795 og stod så til dagens kyrkje vart oppført.[3] Eit altarskåp frå 1400-talet vart oppdaga i 1962 og restaurert. I dette er det sett inn eit altarbilete (nattverden) måla av O. Berenthardus til gamlekyrkja i 1843. Altarskåpet heng på eine langveggen i kyrkja.[4]
Fotnotar[endre | endre wikiteksten]
- ↑ Kyrkjesøk
- ↑ Verschueren Orgelbouw — Opuslijst, arkivert frå originalen 13. september 2018, henta 17. september 2018
- ↑ Jan Brendalsmo: Kildegjennomgang: Middelalderske kirkesteder i Hordaland fylke (Riksantikvaren, 2016), s. 138–139.
- ↑ Lotsberg og Langeland (1999), s. 15.
Bakgrunnsstoff[endre | endre wikiteksten]
- Eva Lotsberg og Alfred Langeland (1999). Fjell kyrkje 125 år. Fjell.
- B.E. Bendixen (1904). Kirkerne i Søndre Bergenshus Amt. Bergen: Grieg. s. 406–412.
- Ragnvald Fjell (1974). Fjell kyrkje 1874–1974. Fjell sokneråd.
- «Fjell kyrkje i Hordaland». Kirkesøk. Den norske kyrkja.
- Fjell kyrkjelege fellesråd
- Alf Henry Rasmussen (1993). «Fjell kirke». Våre kirker. Norsk kirkeleksikon. Kirkenær: Vanebo forlag. s. 380. ISBN 82-75-27022-7.
- DIS Hordaland
- Fjell kyrkje i Hordaland i kulturminnesok.no, nettstaden til Riksantikvaren