Fjordabladet

	Fjordabladet
Type	Dagsavis; (tre dagar i veka)
Format	Tabloid
Oppretta	1873
Første trykk	1874
Målform	Nynorsk
Lokalavis for	Midtre Nordfjord
Eigarskap	Fjordtrykk AS (100%)
Opplag	2 579 (2014)
Redaksjonskontor	Rådhusvegen 6
Postnummer	6770
Stad	Nordfjordeid
Ansvarleg redaktør	Tormod Flatebø (2006)
Nettstad	Fjordabladet.no

Fjordabladet er ei avis som vert utgjeven i Eid i Nordfjord i Vestland fylke. Lokalavisa er partipolitisk uavhengig og rettar seg mot lesarar i midtre Nordfjord.

Fjordabladet er ikkje berre den eldste av dei åtte avisene i fylket, avisa er også den nest eldste i fylket si 133-årige pressesoge. Avisa på Eid blei skipa som Fjordenes Blad i august 1874. I 1911 blei Fjordenes Blad den første i fylket til å introdusera den tredje avisdagen. Ni år seinare tok avisa namnet Fjordabladet, samstundes lufta avisa ut riksmålet, heretter var det nynorsk som var avismålet. Det same skjedde i fleire av fylkets aviser på denne tida. Fjordabladet er klemt mellom to andre nordfjordaviser, Fjordenes Tidende i Måløy og Fjordingen i Stryn. Denne posisjonen har medført at avisa har hatt ei flat opplagsutvikling i åra etter krigen.