Flåklypa Grand Prix
 | |||
| Regi | Ivo Caprino  | ||
| Produsent(ar) | Ivo Caprino | ||
| Manus | Kjell Aukrust, Ivo Caprino, Remo Caprino, Kjell Syversen | ||
| Stemmeskodespelar | Wenche Foss, Frank Robert, Kari Simonsen, Leif Juster, Per Theodor Haugen, Harald Heide-Steen jr., Henki Kolstad, Toralv Maurstad, Helge Reiss, Rolf Just Nilsen | ||
| Forteljarstemme(r) | Leif Juster | ||
| Klipp | Ivo Caprino | ||
| Musikk | Bent Fabricius-Bjerre | ||
| Sjeffotograf | Charles Patey, Ivo Caprino | ||
| Distributør | Sandrew Metronome, Sandrew Film & Theater, Norenafilm, Suomi-Filmi, Jugendfilm-Verleih, Shochiku, Fuji Eiga | ||
| Utgjevingsdato | 28. august 1975 (Noreg),[1] 3. september 1976 (Finland),[2] 6. september 1976 (Sverige),[3] 8. oktober 1976 (Danmark),[4][5] 23. september 1977 (Tyskland),[6] 29. juli 1978 (Japan),[7] 14. januar 1990 (Spania)[8][9] | ||
| Lengd | 84 minutt | ||
| Opphavsland | Noreg | ||
| Språk | norsk | ||
| Sjanger | familiefilm, julefilm, stop-motion | ||
Flåklypa Grand Prix er ein norsk familie- og dokkefilm frå 1975. Filmen er laga av Ivo Caprino. Handlinga i filmen er bygd på diktverka til forfattaren Kjell Aukrust, som skapte bygda Flåklypa og dei leiande figurane. I Aukrust-verda har nokre av figurane andre roller enn i filmen.
Handling[endre | endre wikiteksten]
Sykkelreparatøren Reodor Felgen bur i lag med skjora Solan Gundersen og piggsvinet Ludvig øvst på Flåklypatoppen. Her driv Felgen med reparasjon av syklar, og eigne oppfinningar. Ein dag kjem disponent Rudolf Blostrupmoen på lokalt fjernsyn og syner fram den nye racerbilen sin, bygd på teikningar han har stole frå verkstaden hjå Felgen, der han var læregut. Solan oppmodar Felgen til å kappkøyre med Blostrupmoen, men han har ikkje pengar til å byggje den planlagde bilen sin, Il Tempo Gigante.
Dagen etter ser Solan at ein arabisk oljesjeik er komen til bygda, og avgjer at han skal syne teikningane til sjeiken. Sjeiken finn ut at bilen er genial, og vil leggje pengar i. Il Tempo Gigante vert bygd, og sjølv om bilen mest vert sabotert av Blodstrupmoen og hjelparen hans, Mysil Bergsprekken, køyrer Felgen i billøp mot Blodstrupmoen og andre, og vinn.
Skodespelarar[endre | endre wikiteksten]
Den norske versjonen har følgjande stemmer (mellom andre):
- Forteljar: Leif Juster
- Solan Gundersen: Kari Simonsen
- Ludvig: Toralv Maurstad
- Emanuel Desperados: Harald Heide-Steen jr.
- Jostein Kroksleiven: Rolf Just Nilsen.
Miljø[endre | endre wikiteksten]
Miljøet er skapt av Kjell Aukrust, og var opphavleg nytta i føljetongserien Flåklypa tidende, der mange av rollene medverka. Fleire av figurane har og fått eigne bøker frå Aukrust si hand. Solan og Ludvig høyrer ikkje opphavleg til i Flåklypa, men er rekna som to sider av forfattaren sjølv (i filmen er dei handlangarar for Reodor Felgen). Bilen Il Tempo Gigante vart omtala i Flåklypa tidende i 1972-nummeret, der Felgen prøvekjørde bilen nedetter Gudbrandsdalen og øydela atten sauer og fire mjølkeramper.
Detaljar[endre | endre wikiteksten]
Om ein ser godt etter, vil ein sjå fleire figurar frå andre Caprino-filmar i racerløp-delen av filmen. I publikum sit fleire av dokkene frå filmen Papirdraken, og nokre av dei frå eventyrfilmane, mellom dei Per og kongen frå Askeladden og dei gode hjelparane, sistnemnde i strikkegenser.
Kjelder[endre | endre wikiteksten]
- ↑ «Flåklypa Grand Prix». Nasjonalbiblioteket.no. Henta 26. januar 2016.
- ↑ «Flåklypa Grand Prix». Elonet. Henta 10. desember 2022.
- ↑ «Flåklypa Grand Prix» (på svensk). Svensk Filmdatabas. Henta 10. desember 2022.
- ↑ «Bjergkøbing Grand Prix» (på dansk). Scope. Henta 10. desember 2022.
- ↑ «Bjergkøbing Grand Prix» (på dansk). Det Danske Filminstitut. Henta 10. desember 2022.
- ↑ «Hintertupfinger Grand Prix» (på tysk). Filmdienst. Henta 10. desember 2022.
- ↑ «ピンチクリフ・グランプリ». Henta 2. juni 2023.
- ↑ «Flåklypa Grand Prix». LUMIERE. Henta 10. desember 2022.
- ↑ https://sede.mcu.gob.es/CatalogoICAA/Peliculas/Detalle?pelicula=637151; vitjingsdato: 2. juni 2023.
Denne filmartikkelen som har med Noreg å gjere, er ei spire. Du kan hjelpe Nynorsk Wikipedia gjennom å utvide han.