Flaggstat

Frå Wikipedia – det frie oppslagsverket
Hopp til navigering Hopp til søk

Flaggstat er den statsmakt som eit kommersielt skip (handelsskip) offisielt seglar under. Flaggstaten er styresmakta som har autoritet og ansvaret til å gjennomføra reguleringar over skip og fartøy som er registrert under flagget deira. Det inneber inspeksjon, sertifisering og utferding av til tryggleiks- og antiforureiningsdokument.[1] Alle sjøfartøy må registrerast i ein flaggstat og følgja tryggleiksreglane i landet. I nyare tid har det vorte meir vanleg å registrera skip i «opne register» under såkalla framandflagg, til dømes i Panama og Caymanøyane, mellom anna av skattemotiverte årsaker.

Skip vert først og fremst identifisert gjennom eit nasjonalitetsbevis, men òg gjennom kjenningssignal. Beviset, som vert utskrive av skipsregisterføraren straks skipet er registrert, skal innehalda opplysningar om namnet på skipet, kjenningssignal, byggestad og -år, heimstad og dessutan namnet til eigaren og adresse.[2]

Framandflagg er eit flagg tilhøyrande eit land som vert nytta på skip med eigar/eigarar frå eit anna land. Skipseigaren kan på den måten unngå høge skattar i heimlandet og òg gjera skipsregistreringa enklare. Landet som stiller flagget til disposisjon tek betalt for tenesta, og i nokre mindre land er denne betalinga ei viktig inntektskjelde. Nytte av framandflagg for å unngå internasjonale forpliktingar er ei utfordring i arbeidet med få bukt med ulovleg, urapportert og uregulert fiske.[3]

Panama er per 2015 den største flaggstaten i verda kor bortimot ein fjerdedel av den havgåande tonnasjen i verda er registrert der. På andreplass er Liberia.[4]

Sjå òg[endre | endre wikiteksten]

Kjelder[endre | endre wikiteksten]

  1. «Forskrift om endring i forskrift om besiktelse, bygging og utrustning av passasjerskip i innenriks fart», Lovdata.no
  2. «Registrering og Flagging» Arkivert 1. juni 2016 på Wayback Machine., Natutikk.no
  3. Pressemelding Nr: 15/201: «Vil stoppe bruk av bekvemmelighetsflagg», Regjeringen.no 3, 14. februar 2013
  4. «The World's Top Ship Registries (Flag States)», The Shipping Law Blog, A Useful Guide to the World of Maritime Law

Bakgrunnsstoff[endre | endre wikiteksten]