Flatåsen

Flatåsen skole, øvre bygg.

Flatåsen er ein bydel som ligg sørvest i Trondheim kommune og grensar til Bymarka i vest, Huseby og Kolstad i sør, Tiller i aust og Byåsen i nord. Namnet «Flatåsen» kjem frå ein lokal gard som ligg i den nordaustlege luten av Flatåsen.

Den største barne- og ungdomsskulen i Noreg, Flatåsen skole, ligg på Flatåsen.

Bydelen består hovudsakleg av bustadområde, men har òg noko service- og næringsverksemd, mellom anna fleire matbutikkar, bilverkstad, segldukmakar, bakeri, frisørsalong, brannstasjon og lækjarsenter.

Buområda på Flatåsen heiter:

• Kulsås
• Flatåstoppen
• Kolsåsen
• Høgreina
• Øvre Flatåsen
• Flatåsenget
• Nedre Flatåsen
• Buenget

Flatåsen ligg administrativt i bydelen Lerkendal.