Flugesongarar

Frå Wikipedia – det frie oppslagsverket
Flugesongarar
Rustkroneflugesongar, Erythrocercus mccallii Foto: Francesco Veronesi
Rustkroneflugesongar, Erythrocercus mccallii
Foto: Francesco Veronesi
Systematikk
Underrekkje: Virveldyr Vertebrata
Overklasse: Tetrapodar Tetrapoda
Klasse: Fuglar Aves
Underklasse: Neognathae
Overorden: Neoaves
Orden: Sporvefuglar Passeriformes
Familie: Erythrocercidae
Slekt: Flugesongarar Erythrocercus
Hartlaub, 1857

Flugesongarar er ei biologisk slekt Erythrocercus som lever i skogshabitat i tropisk Afrika sør for Sahara. Slekta er godtatt som monotypisk i sin eigen familie Erythrocercidae etter tidlegare å ha vore plassert inn i ymse familiar.

Skildring[endre | endre wikiteksten]

Flugesongarar er små sporvefuglar, som liknar flugesnapparar (Muscicapidae), med ein kroppslengde på 9 til 12 cm. Kjenneteikna til slekta inkluderer ein avrunda hale med 12 halefjører mot 10 i orientsongarfamilien (Cettiidae), og iaugefallande, stive bust rundt nebbrota. Rustkroneflugesongar har gråleg overside, framhovudet og halen er raudbrun, undersida er beige til kvitaktig. Gulflugesongar og gulbukflugesongar er grønaktig på oversida og klår gulfarge på undersida.[1]

Systematikk[endre | endre wikiteksten]

Slekta Erythrocercus vart først skildra vitskapleg i 1857 av den tyske ornitologen Gustav Hartlaub. Den dag i dag er vitskapen ikkje heilt samd om den systematiske klassifiseringa av slekta. I ei tid vart slekta plassert i monarkfamilien (Monarchidae) eller berre ført opp som Incertae sedis ('usikker plassering') utan å tilhøyre nokon familie.

I 2006 vart flugesongarar plasserte inn i den nyleg introduserte orientsongarfamilien (Cettiidae). Den svenske ornitologen Per Alström og kollegaene hans introduserte ein uavhengig, monotypisk familie for slekta Erythrocercus, Erythrocercidae,[1] som vart adoptert av IOC verdslista.[2] Flugesongarar er søstergruppa til ein felles klade av krattsongar (Scotocerca inquieta) og slektene i orientsongarfamilien.

Artsliste[endre | endre wikiteksten]

Flugesongarar i rekkjefølgje etter IOC World Bird List V11.1, 2021,[2] med norske namn etter Norske navn på verdens fugler:[3]

Slekt Erythrocercus
  • Gulflugesongar, Erythrocercus holochlorus, Little Yellow Flycatcher, Erlanger, 1901, (LC)
  • Rustkroneflugesongar, Erythrocercus mccallii, Chestnut-capped Flycatcher, (Cassin, 1855), (LC)
  • Gulbukflugesongar, Erythrocercus livingstonei, Livingstone's Flycatcher, Gray, GR, 1870, (LC)

Kjelder[endre | endre wikiteksten]

Referansar
  1. 1,0 1,1 Fregin, Silke; Haase, Martin; Olsson, Urban; Alström, Per (2012). «New insights into family relationships within the avian superfamily Sylvioidea (Passeriformes) based on seven molecular markers». BMC Evolutionary Biology 12 (157): 1–12. PMC 3462691. PMID 22920688. doi:10.1186/1471-2148-12-157. 
  2. 2,0 2,1 Gill F, D Donsker & P Rasmussen (Eds). 2021. IOC World Bird List (v11.1). doi : 10.14344/IOC.ML.11.1 Henta 7. mars 2021
  3. Syvertsen, P. O., Ree, V., Hansen, O. B., Syvertsen, Ø., Bergan, M., Kvam, H., Viker, M. & Axelsen, T. 2008. Virksomheten til Norsk navnekomité for fugl (NNKF) 1990-2008. Norske navn på verdens fugler. med oppdateringar i 2017. Norsk Ornitologisk Forening sin nettstad (publisert 21.12.2017)

Bakgrunnsstoff[endre | endre wikiteksten]

Commons har multimedium som gjeld: Flugesongarar