Fottøy

*Ghillie*, sko brukt for ulike keltiske dansar.

Fottøy eller fotbunad er utstyr ein bruker til å kle føtene. I første omgang viser omgrepet til sko, støvlar, tøflar og liknande, men ein kan også ta med mjuke klede som sokkar og strømper. Fottøy kan brukast til å verna føtene, hjelpa ein til å røra seg som ein vil, eller dei kan brukast som pynt eller symbol. Alternativet til å bruka fottøy er å gå berrføtt. Tradisjonelt er fottøy blitt laga av brukarane sjølv, eller av skomakarar. I dag blir det meste framstil industrielt.