Frøylandsvatnet

Sjå òg Frøylandsvatnet i Sandnes.

Frøylandsvatnet
innsjø
Utsyn over Frøylandsvatnet. (Foto: Ranveig Thattai)
Land	Noreg
Fylke	Rogaland
Kommunar	Klepp, Time
Høgd over havet	24 moh.
Areal	4,83 km²
Kystlengd1	24,10 km
Koordinatar	58°44′59″N 5°40′33″E
Frøylandsvatnet 58°44′59″ N 5°40′33″ E
Wikimedia Commons: Frøylandsvatnet
1 Kystlengd er eit unøyaktig mål som kanskje ikkje er standardisert for denne artikkelen.

Frøylandsvatnet er ein innsjø i landskapet Jæren. Grensa mellom kommunane Klepp og Time i Rogaland fylke går gjennom vatnet. Tettstadene Bryne, Klepp stasjon og Kvernaland ligg alle ved Frøylandsvatnet.

Som Frøyland, er vatnet kalla opp etter den norrøne guden Frøy.

Økologi

Tidleg på 1980-talet blei innsjøen identifisert som eit av dei mest overgjødsla i Noreg. Giftige alger som voks på grunn av dette førte mellom anna til at fleire kyr som drakk av vatnet døydde. Aksjon Frøylandsvatnet blei danna for å jobba med problemet. Vatnet ligg midt i eit intensivt landbruksområde.

Utsleppa av næringsmiddel som nitrogen og fosfor er blitt reduserte, men oppsamla sediment i den grunne innsjøen gjer at tiltaka ikkje har hatt så stor verknad.

Kultur

Historie

Ei soge frå vikingtida fortel at Astrid frå Obrestad, svanger med Olav Tryggvason, gøymde seg på ein holme i vatnet då mannen hennar Tryggve Olavsson blei drepen i kamp og ho sjølv blei forfølgd av Eiriksønene. Ei segn seier at den framtidige kongen vart fødd på Lalandsholmen. Det er sett opp ein minnestein ved turvegen om dette.

Idrett

Frøylandsvatnet rundt er eit løp på 16,6 km som blir arrangert årleg. Det blir òg halde ulike rokonkurransar i sjølve vatnet. På vinteren, når tilhøva er gode, er det mogeleg å gå på skeiser frå Bryne til Kvernaland.