Francisco Javier Fernández

Francisco Javier Fernández
Statsborgarskap	Spania
Fødd	6. mars 1977 (47 år) Guadix
Idrett	friidrett
Tok del i	Sommar-OL 2008, Sommar-OL 2004, Sommar-OL 2000
Utmerkingar	Ordenen for sportsfortjenesters gullmedalje

Francisco Javier Fernández Peláez (fødd 6. mars 1977) er ein spansk friidrettsutøvar frå Guadix i Granda-provinsen som vart europameister 2002 og 2006 i 20 kilometer kappgang. Han vann elles to VM-sølv, OL-sølv og EM-bronse i same øvinga.

Aktiv

Fernández vann i 1996 10 km kappgang ved juniorverdsmeisterskapen i Sydney. To år seinare sikra han seg europapokalen 1998 på 20 km i Dudince i Slovakia, før han vart tredjemann på distansen under europameisterskapen i Budapest. I Sommar-OL 2000 var Fernández tilbake i Sydney, der han kom kom på sjuandeplassen på 20 km.

I august 2002 vann Fernández gullmedaljen på 20 km i EM i München. Tidlegare på sommaren på sette han i Åbo verdsrekord på 20 km med tida 1.17.22. Under verdsmeisterskapen 2003 i Paris tok han sølv bak meksikanaren Jefferson Pérez, som samstundes forbetra verdsrekorden til Fernández med eitt sekund. Også under Sommar-OL 2004 i Aten kom Fernández inn sølvmedalje, slått med fem sekund av Ivano Brugnetti frå Italia. Fernández tok så ved VM 2005 i Helsinki si tredje strake sølvmedalje, ettersom Jefferson Pérez forsvarte VM-tittelen på 20 km. Året etter forsvarte også Fernández sin meistertittel då han i Göteborg vann sitt andre EM-gull.

Under VM 2007 i Osaka sigra Perez på 20 km for tredje gong i rad, medan Fernández vart andremann for tredje gong. Ved sommarleikane 2008 i Beijing enda Fernández derimot på sjuandeplassen, for fyrste gong på sju år reiste han tomhendt heim frå ein stor internasjonal meisterskap.

Medaljar og plasseringar i internasjonale meisterskap

• EM 1998 i Budapest: Bronsemedalje – 1.21.39
• VM 1999 i Sevilla: Nr 15 – 1.27.23
• OL 2000 i Sydney: Nr 7 – 1.21.01
• VM 2001 i Edmonton: Braut
• EM 2002 i München: Gullmedalje – 1.18.37, framom Vladimir Andrejev (1.19.56)
• VM 2003 i Paris: Sølvmedalje – 1.18.00, bakom Jefferson Pérez (1.17.21)
• OL 2004 i Aten: Sølvmedalje – 1.19.45, bakom Ivano Brugnetti (1.19.40)
• VM 2005 i Helsinki: Sølvmedalje – 1.19.36, bakom Jefferson Pérez (1.18.35)
• EM 2006 i Göteborg: Gullmedalje – 1.19.09, framom Valerij Bortsjin (1.20.00)
• VM 2007 i Osaka: Sølvmedalje – 1.22.40, bakom Jefferson Pérez (1.22.20)
• OL 2008 i Beijing: Nr 7 – 1.20.32
• VM 2009 i Berlin: Braut
• VM 2011 i Daegu: Braut

Bakgrunnsstoff

• «Francisco Javier Fernández» (på engelsk). Olympedia. Henta 20. mars 2023.