Frank Jenssen

Frå Wikipedia – det frie oppslagsverket
Gå til: navigering, søk
Frank Jenssen
none  Frank JenssenFoto: Kjetil Ree
Frank Jenssen
Foto: Kjetil Ree
Fødd 11. august 1969

Trondheim

Parti Høgre
1. verv Stortingsrepresentant
 - periode 2013–2017
 - valkrins Sør-Trøndelag
2. verv Statssekretær i Kommunal- og regionaldepartementet
 - periode 20. oktober 2003–17. oktober 2005
 - regjering Bondevik II
3. verv Leiar av Sør-Trøndelag Høgre
 - periode 2001–2008
 - føregjengar Michael Momyr
 - etterfylgjar Linda Hofstad Helleland

Frank Josef Jenssen (fødd 11. august 1969 i Trondheim) er ein norsk politikar (H). Han har vore innvald på Stortinget frå Sør-Trøndelag sidan 2013. Her er han medlem i Kommunal- og forvaltingskomitéen. [1]

Han begynte sin politiske karriere som formann i Trondheim Unge Høgre 1990–1992, medlem av Unge Høgres sentralstyre 1992–1996 og 2. nestleiar i Unge Høgre 1994–1996.[2] Han var vidare valkampsekretær i Sør-Trøndelag Høgre, politisk sekretær for ordførar Marvin Wiseth, gruppesekretær for Oslo Høgres bystyregruppe samt informasjonssjef i Høgres Hovudorganisasjon framfor stortingsvalet 2001.[3] Jenssen var medlem av Trondheim bystyre i åra 1992–2003 og 2005–2008; kommunalråd og gruppeleiar 1998–2003 og 2005–2008 samt fungerande varaordførar 2001–2002.[4] Jenssen var forøvrig leiar i Trondheim Høgre 1997–2001, leiar i Sør-Trøndelag Høgre 2001–2008 samt statssekretær i Kommunal- og regionaldepartementet 2003–2005. I 2008 søkte han fritak frå sine politiske verv på grunn av manglande motivasjon.[5] Fire år seinare blei han nominert som Høgres 2. kandidat til Stortinget frå Sør-Trøndelag ved stortingsvalet 2013.[6][7]

Jenssen har studiekompetanse frå Adolf Øiens skole og mellomfag i statsvitskap og diverse samfunnsfag frå NTNU.[4] Han var dagleg leiar og seniorrådgjevar i Røe kommunikasjon 2008–2010, og blei i 2010 kommunikasjonsdirektør i Arbeidstilsynet.[8]

Den 13. januar 2017 blei han utnemd til fylkesmann i Trøndelag.[9]

Kjelder[endre | endre wikiteksten]

  1. Biografi hjå Stortinget
  2. Frank Jenssen.
  3. Frank Jenssen ny informasjonssjef.
  4. 4,0 4,1 Skifte av statssekretær i Kommunal- og regionaldepartementet (17. oktober 2003).
  5. Høyre-topp trekker seg. Adresseavisen (7. februar 2008).
  6. Frank Jenssen på vei til Stortinget. Adresseavisen (15. september 2012).
  7. Marvin Wiseth tilbake i politikken (13. oktober 2012).
  8. Pressemelding: Ny kommunikasjonsdirektør i Arbeidstilsynet (7. oktober 2010).
  9. Ny Fylkesmann i Trøndelag. Kommunal- og moderniseringsdepartementet (13. januar 2017). Vitja 23. juni 2017.