Frithjof Wilborn
| Frithjof Wilborn | |
 | |
| Statsborgarskap | Noreg |
| Fødd | 12. november 1961 (64 år) Asker |
| Yrke | fotballspelar, lærar, programleiar, sportsjournalist |
| Frithjof Wilborn på Commons | |
Frithjof Wilborn (fødd 12. november 1961) er ein tidlegare programleiar i TV 2 og tidlegare fotballspelar i Sportsklubben Brann og Strømsgodset IF.
Dei ti fyrste åra av livet sitt budde Frithjof Wilborn i Fredrikstad, før faren fekk jobb i Asker og familien flytte dit. Han viste tidleg talent for fotball, og spela for fyrstelaget til Asker allereie som elleveåring. Etter gymnaset tok han eitt år på musikk- og teaterlinja ved Romerike folkehøgskole. Han har elles studert ex.phil., gått eitt år på jusstudiar, og er utdanna lærar med hovudvekt på samfunnsfag og drama.
I 1982 begynte han å spela for Strømsgodset, og spelte 72 kampar for klubben. Han gjekk over til Brann i 1986, og spela om lag 60 kampar for dei fram til han la opp som fotballspelar i 1988.
Etter dette jobba Wilborn sju år som lærar på Lillehammer og fire år som frilansjournalist i Bergensavisen og Gudbrandsdølen. I 1995 fekk han jobb i TV 2-sporten. Sidan har han vore programleiar for seriar som Mestermøtet, Vil du bli millionær?, Farmen, Mine damer og herrer, Skaperen og Jeg gjør hva som helst. I løpet av karrieren sin kåra VG-lesarane Wilborn til den kjekkaste mannen i Noreg. Han var òg programleiar for 10-årsjubileet til TV 2 saman med Nadia Hasnaoui i 2002, og i 2005 leidde han showet i Oslo Spektrum som markerte at det var 100 år sidan Haakon VII kom til landet.
Wilborn hadde ein lang konflikt gåande med TV 2. Etter 11 og eit halvt år i kanalen slutta han den 31. januar 2008. I april 2009 tiltredde han som dagleg leiar i Os Fotball, og hausten 2009 vart han programleiar på ny, denne gongen for TV Norge med serien Hvem kan slå Ylvis?. Kvart år leier han òg NM i morellsteinspytting på Morellfestivalen på Lofthus i Hardanger.
TV-program Frithjof Wilborn har leidd
[endre | endre wikiteksten]- 2009 Hvem kan slå Ylvis? (TV Norge)
- 2006 Skaperen (TV2)
- 2005 Jeg gjør hva som helst (TV2)
- 2004 Nettopp nå (TV2)
- 2003 Farmen (TV2)
- 2003 TV2-aksjonen (TV2)
- 2002 Mine damer og herrer (TV2)
- 2002 TV2s 10årsjubileum (TV2)
- 2001 Vil du bli millionær? (TV2)
- 2000 Mestermøtet (TV2)
- 1999 Tribunefeber (TV2)
- 1995 TV2-sporten (TV2)
Kjelder
[endre | endre wikiteksten]- Artikkelen er basert på bokmålswikipedia om Frithjof Wilborn.
- Wilborn på filmfront.no
- Dagbladet 19.02.07 - portrett med Frithjof Wilborn.
- TV2 Underholdning - Frithjof Wilborn skilles.