Frode Nyvold

Frå Wikipedia – det frie oppslagsverket
Hopp til navigering Hopp til søk
Frode Nyvold
Fødd 22. februar 1949 (72 år)
Yrke songar

Frode Nyvold (fødd 22. februar 1949) er ein norsk folkesongar, antropolog og pedagog. Han er førstelektor ved Høgskolen i Telemark, og er instituttnestleiar ved Institutt for folkekultur i Rauland.

I tillegg til å arbeide med norsk tradisjonsmusikk har han gjort feltarbeid mellom anna i Frankrike og Ungarn. Musikk, identitet og kommunikasjon har vore teoretiske hovudtema i feltarbeid og skriftlege arbeid.

Nyvold har vore utøvande musikar sidan 60-talet med konsertverksemd i Noreg og i utlandet og har medverka på fleire fonogramproduksjonar, mellom anna cden Skjemt og sjanti som vart nominert til spelemannsprisen 1998.

Ved folkemusikkstudiet underviser han i song og toradar og har kulturpolitikk og kulturhistorie som teoretiske hovudemne.

Han har i ti år, inntil 2010, |vore koordinator for Nordplus-nettverket «Nortrad», eit nettverk for dei nordiske folkemusikkutdanningane, men har no andre oppgåver innanfor internasjonalt arbeid ved instituttet.


Åtvaring: Standardsorteringa «Nyvold» tar over for den tidlegare sorteringa «Nyvold, Frode».