Fugleinfluensa
Fugleinfluensa er ein dyresjukdom som skuldast eit mutert virus hjå dyr. Han kan i visse tilhøve føra til døden, også hjå menneske som har fått viruset i seg gjennom kontakt med avføring frå smitta fuglar.
Den fårlege virusvarianten H5N1 spreier seg no blant fuglar (sjå kartet) og skapar internasjonal redsle for at han skal mutera og verta til eit virus som kan smitta frå menneske til menneske.
Dette viruset er til no ikkje påvist i Noreg, men den 14. februar 2006 blei det funne i to daude svaner på øya Rügen i Austersjøen, noko som førde til eit mellombels forbod mot utandørs fjørfehald i Noreg.
For personar som er smitta av fugleinfluensa, kan influensamedisinen Tamiflu hjelpa viss han vert teken i løpet av dei første 48 timane etter at dei er blitt sjuke.
|
