Fulvio Collovati

Frå Wikipedia – det frie oppslagsverket
Hopp til navigering Hopp til søk
Fulvio Collovati
Fulvio Collovati.jpg
Fødd 9. mai 1957
Teor
Yrke fotballspelar
Fulvio Collovati på Commons

Fulvio Collovati (fødd 9. mai 1957) frå er ein tidlegare fotballspelar frå Teor i provinsen Udine i Italia. Han vart verdsmeister med Italia i 1982 og vann både cup- og seriemeisterskap med Milan. Collovati var midtstoppar.

Klubbspel[endre | endre wikiteksten]

Collovati spela i Milan frå 1976/77-sesongen og opplevde å verte italiensk cupmeister allereie i debutsesongen. To år seinare vart han italiensk seriemeister med klubben. Sesongen 1980/81 spela han sin einaste sesong i Serie B, ei fylgje av at Milan vart flytta ned som straff for si rolle i kampfiksingsaka Totonero. Etter seks sesongar i Milan gjekk han sommaren 1982 over til byrivalen Inter, der han spela fram til 1986. Sidan var han ein sesong i Udinese og to sesongar i Roma. Sommaren 1989 gjekk ferda vidare til Genoa. Collovati spela knappe fire sesongar i Genova, innan han la skorne på hylla som 35-åring. Til saman spela han 368 kampar i Serie A og skåra åtte mål.

Landslagsspel[endre | endre wikiteksten]

Collovati debuterte på Italia sitt landslag i februar 1979, på heimebane i Milano vann Italia 3-0 over Nederland i ein vennskapslandskamp. Året etter var han på laget då Italia under EM i fotball 1980, på heimebane kom på fjerdeplass etter å ha tapt straffetevlinga 7-8 for Tsjekkoslovakia. Collovati utgjorde midtstopparduoen saman med Gaetano Scirea då Italia sommaren 1982 vart verdsmeistrar med 3-i i finalen over Vest-Tyskland under VM i fotball 1982 i Spania. Han var òg med i troppen til VM i fotball 1986 i Mexico. Der fekk han einast eit innhopp som innbytar i kampen mot Sør-Korea, hans 50. og siste opptreden i den italienske landslagstrøya. Collovati skåra tre landslagsmål, alle i 1980 og 1981.

Merittar[endre | endre wikiteksten]

  • VM-gull 1982 for Italia
  • EM-firar i 1980 for Italia
  • Italiensk seriemeister 1979 med Milan
  • Italiensk cupmeister 1977 med Milan

Kjelder[endre | endre wikiteksten]