Gävle kommun

	Gävle kommun
	kommune
	Kommunevåpen
	Kommunevåpen
Land	Sverige
Len	Gävleborgs län
Landskap	Gästrikland
Del av	Gästrikland, Q61663219
Centralort	Gävle
Areal	1 604 km²
Folketal	92 681
Folketettleik	57,7 / km²
	; Gävle kommun; 60°40′00″N 17°10′00″E / 60.666666666667°N 17.166666666667°E
	Wikimedia Commons: Gävle Municipality
	Nettstad: www.gavle.se

Gävle kommun er ein kommune i Gävleborgs län i Sverige som ligg ved Bottenhavet. I Gävleborgs län grensar kommunen til Ockelbo kommun i nordvest og Sandvikens kommun i vest. I tillegg grensar han til tre kommunar i Uppsala län. Desse er Heby kommun i sør, Tierps kommun i søraust og Älvkarleby kommun i nordaust. Administrasjonssenteret i kommunen er Gävle.

I sør har Gävle kalkrik berggrunn, og i vest skogkledde moreneområde og myrlandskap. Ein åsrygg strekkjer seg gjennom kommunen frå Hedesunda, via Valbo til Gävle og vidare mot nord. Det ligg fleire innsjøar i ytterområda i kommunen, mellom andre Viksjön i nord, Öjaren og Storsjön i vest og Hedesundafjärden og Bramsöfjärden i sør.

Den dominerande industrigreina er verkstad- og skogindustri, men det er også ein del næringsmiddelindustri og elektroindustri i kommunen. I tillegg har fleire statlege organ hovudkontor i kommunesenteret Gävle.

Administrativ historikk[endre | endre wikiteksten]

Den noverande kommunen vart oppretta i to steg. Landskommunane Hamrånge, Hedesunda og Hille vart i 1969 slegne saman med Gävle stad. Ved kommunereforma i Sverige i 1971 vart Gävle kommun slik han er i dag, ved at Valbo vart innlemma.

Kommunevåpenet[endre | endre wikiteksten]

Blasonering: På blå bakgrunn, ein vassrett sølvstraum, med to anker av gull ovanfor og eitt nedanfor.^[1]

Gävle stad hadde sidan 1500-talet brukt eit skjold med bokstaven «G» som våpen. I 1940 ville Den svenske marinen bruke byvåpenet på den nybygde jagaren Gävle. Då diskusjonen om våpenet kom opp ved ei av reformene, ville ikkje riksheraldikaren godta våpenet (fordi bokstavar ikkje vert sett på som passande i heraldikken), og det vart starta ein diskusjon om nytt våpen for Gävle. Det noverande våpenet var eit forslag frå riksheraldikaren, som etter lange debattar, til slutt vart vedteke av bystyret. Det vart fastsett av kongen i 1941. Etter kommuneopprettinga kom det opp eit framlegg om å auke talet på anker til fem, slik at dei eldre einingane som er innlemma i kommunen fekk kvart sitt anker. Dette vart avslege og våpenet vart registrert uendra i Patent- och registreringsverket i 1974.

Tettstader[endre | endre wikiteksten]

Det er 20 tettstader i Gävle kommun.

Tettstadene i tabellen er ordna etter innbyggjartal per 31. desember 2005. Administrasjonssenteret er utheva.

Nr.	Tettstad	Folketal
1.	Gävle	68 700
2.	Valbo	6 911
3.	Forsbacka	1 748
4.	Hedesunda	1 048
5.	Norrsundet	1 006
6.	Bergby	815
7.	Åbyggeby	776
8.	Forsby	646
9.	Hamrångefjärden	546
10.	Furuvik	486
11.	Lund	436
12.	Björke	338
13.	Skutskär	329
14.	Trödje	329
15.	Bönan	289
16.	Norrlandet	287
17.	Totra	285
18.	Sälgsjön	218
19.	Berg	215
20.	Hagsta	200

Kjelder[endre | endre wikiteksten]

«Gävle kommun» på Wikipedia på svensk.
«Gävle» på Store Norske Leksikon.

Fotnote[endre | endre wikiteksten]

↑ «I blått fält en av vågskuror bildad bjälke av silver, åtföljd ovanför av två och nedanför av ett ankare av guld».

[1] «I blått fält en av vågskuror bildad bjälke av silver, åtföljd ovanför av två och nedanför av ett ankare av guld».

[1]