Gabriel Monsen
| Gabriel Monsen | |||
 | |||
| Fødd | 15. november 1798 | ||
|---|---|---|---|
| Død | 1. juli 1882 (83 år) | ||
| Statsborgar av | Noreg | ||
| Yrke | politikar | ||
| Alle verv |
| ||
Gabriel Monsen (15. november 1798–1. juli 1882) var ein norsk losoldermann i Tananger, ordførar og stortingsmann.
Gabriel Monsen var son av ein losoldermann. Ein yrkesposisjon han sjølv hadde frå 1824. Han var også gardbrukar, og tillegg postopnar, gjestgivar, landhandlar og skipsreiar.
Han var den første ordføraren i Håland herad (nærast dagens Sola). Monsen var ordførar i Håland 1837-41, 1846-49, 1854-55 og 1860-79, og var forlikskommissær i mange år.
Monsen var valmann ved alle valting til stortingsval frå 1832 til 1879, bortsett frå eit val. Han var stortingsmann for Stavanger amt 1842-1848, vald som 3. representant i 1842, sidan som 4. representant. På alle tingsamlingane var han medlem av tollkomiteen. 1851 og 1854 var han 1. varamann til Stortinget.
Lokalt er han kjend for å ha bygt det såkalla Monsenhuset i Tananger, der han døydde.
Kjelder
[endre | endre wikiteksten]- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Gabriel Monsen ved PolSys hos Sikt – Kunnskapssektorens tjenesteleverandør