Gamnes i Harstad
Gamnes gard ligg i grenda Ervik, om lag 5 km frå Harstad sentrum i Harstad kommune. Garden har gardsnummer 78. Han blei skilt ut som eigen gard i 1832. Sjølve garden er på om lag 3000 dekar.
Namnet kjem truleg av ordet gamme, sidan det fanst gamle gammetufter i nærleiken av der kor brygga ligg i dag. Etter det ein kjenner til fanst det fram til 1744 ikkje nokon andre hus enn gammar på garden. Det finst enno restar etter jordgammar i området.
Det har vore opptil sju husmannsplassar under Gamnes.
Inntil 2005 vart garden driven med kjøt- og mjølkeproduksjon. Etter det vart Gamnes gard omlagt til å vere ein inn på tunet-gard. Han er og vertsgard for Harstad hestesportsenter.