Gamvik

Frå Wikipedia – det frie oppslagsverket
Hopp til navigering Hopp til søk
Gamvik
stad
Gamvik 01.jpg
Gamvik
Land Flag of Norway.svg Noreg
Fylke Troms og Finnmark
Kommune Gamvik
Postnummer 9775 GAMVIK
Innbyggjarnamn gamviking

Gamvik
71°3′49″ N 28°14′48″ E

Gamvik er eit fiskevær i Gamvik kommune, nordaust i Finnmark-området i Troms og Finnmark fylke. Staden ligg på den nordlegaste breiddegraden i Finnmark, «71 gradar nord», og ligg på nordkysten av Nordkinnhalvøya. I 2006 hadde han omtrent 200 innbyggjarar. Tradisjonelt har fiske vore hovudnæringa i Gamvik. Det siste fiskebruket blei lagt ned i 2008 etter ei rekkje oppstartar og nedleggingar dei siste 20 åra. Det blir i dag satsa mykje på turisme då verforholda gjer Gamvik til ein god stad for både havfiske og ferskvassfiske i Risfjordelva og Sandfjordelva.

Slettnes fyr, verdas nordlegaste fastlandsfyr, ligg omtrent 4 km nord for Gamvik.[1] Ved Slettnes ligg også Slettnes naturreservat, som er ein viktig hekkeplass for mange fugleartar, og mellom anna har Noregs nest største tjuvjokoloni.[2] Vest for Slettnes ligg Steinvågen, der ein finn ein av Noregs best bevarte steinlabyrintar. I Gamvik ligg også Gamvik Museum.[3]

Gamvik har eiga kyrkje og skule, og fekk også den første flystripa, Gamvik flyplass, i kommunen på 1970-talet, men etter opninga av Mehamn flyplass har stripa berre blitt brukt i nødsfall. Gamvik fekk, saman med resten av Nordkinnhalvøya vegsamband med fastlandet då riksveg 888 opna på slutten av 1980-talet.

Kjelder[endre | endre wikiteksten]

  1. «Norsk Fyrhistorisk Forening», fyr.no, henta 17. august 2020 
  2. http://www.gamvik.kommune.no/severdigheter.106088-17942.html
  3. Msn (7. juni 2016), «Gamvik Museum 71°N», Museumsnett (på bokmål), henta 17. august 2020 

Bakgrunnsstoff[endre | endre wikiteksten]