Georg Bull

Georg Bull
	Georg Bull
	;
Fødd	1. august 1785; Christiania
Død	12. desember 1854 (69 år)
Statsborgar av	Noreg
Yrke	politikar, dommar
Far	Johan Randulf Bull
Barn	Anders Sandøe Ørsted Bull
Medlem	Herreklubben Quodlibet
Alle verv	stortingsrepresentant (1821–1823); høgsterettsjustitiarius (1836–1854); statssekretær (1834–1836); vararepresentant til Stortinget (1815–1817); vararepresentant til Stortinget (1818–1820); stortingsrepresentant (1824–1826); fylkesmann i Vestfold (1821–1829); fylkesmann i Hordaland (1829–1831); stiftamtmann i Bergen stiftamt (1829–1834) ;

Georg Bull (1. august 1785–12. desember 1854) var ein norsk jurist, embetsmann og politikar. Han var høgsterettsjustitiarius frå 1836 til 1854. Far hans, Johan Bull, var den fyrste høgsterettsjustitiarius i Noreg.

Bull var fødd i Kristiania og vart student i 1802. Cand. jur. vart han i 1805. Han var 1806-09 fungerande sorenskrivar i Sunnhordland, deretter byfut i Bergen frå 1810 til 1821. I 1821 utnemnd til amtmann i Jarlsberg og Larvik amt. Dette embetet hadde han til han i 1829 vart amtmann i Søndre Bergenhus amt. Han var amtmann der i fem år, dei to åra 1834-36 var han statssekretær. Deretter var han i atten år (1836-54) leiar av Noregs høgsterett.

Bull var representert på to påfylgjande storting. I 1821 og på det overordenlege stortinget året etter representerte han Bergen, medan han i 1824 var representant for Laurvik og Sandefjord. I 1821 var han medlem av 18 komitear, formann i fem av dei. På tinget i 1824 var han formann i justiskomiteen og i komiteen om odelslova.

Bull var med i riksretten i 1845, i eigenskap av høgsterettsjustitiarius.

Han døydde i fødebyen Kristiania.

Kjelder[endre | endre wikiteksten]

Lindstøl, Tallak:Stortinget og Statsraadet 1814-1914. Kristiania, 1914

Bakgrunnsstoff[endre | endre wikiteksten]

Regjeringen.no: Statsrådsekretær 1814-
Biografisk informasjon om Georg Bull NSD Norsk senter for forskningsdatas politikararkiv