Georg Johan Knap

Frå Wikipedia – det frie oppslagsverket
Hopp til navigering Hopp til søk
Georg Johan Knap
Georg Johan Knap.jpg
Fødd20. november 1831
Død13. oktober 1907
NasjonalitetNoreg
PartiHøgre
Yrkepolitikar

Georg Johan Knap (20. november 183113. oktober 1907) var ein norsk sjømann, skipsreiar og Høgre-politikar.

Knap var fødd i Fredrikshald, far hans var skipper. I yngre år var han tilsett i ei forretning i heimbyen, sigla så ei tid til sjøs. Han tok styrmannseksamen i 1852 og var skipper åra 1861-70. Knap slo seg 1859 ned i Tønsberg, der han var skipsreiar. Styremedlem i Tønsberg privatbank 1877-1905, formann dei siste tolv åra.

Frå 1877 til -98 var Knap medlem av bystyret i Tønsberg, ordførar 1884 og 1888.

Knap var varamann frå Tønsberg ved tre påfylgjande stortingsval. Siste perioden som varamann, 1892-94, møtte han frå 5. mai 1893 og ut valperioden i staden for Johannes Harbitz. Perioden 1895-97 representerte han Tønsberg på Stortinget. 1893-94 var han medlem av næringskomite nr 1, 1895-97 av tollkomiteen.

Han vart i 1899 utnemnd til riddar av 1. klasse av St. Olavs Orden. Frå den franske regjeringa vart Knap i 1871 tildelt ei æresmedalje i gull, ettersom han fekk redda eit fransk skipsmannskap.

Knap døydde i Tønsberg i 1907.

Kjelder[endre | endre wikiteksten]

  • Johnsen, Oscar A.: Tønsbergs historie, bind 3. 1952-54
  • Lindstøl, Tallak: Stortinget og Statsraadet 1814-1914. Kristiania, 1914