George Woods

George Woods
Statsborgarskap	USA
Fødd	11. februar 1943 Portageville
Død	30. august 2022 (79 år) Edwardsville
Idrett	friidrett
Tok del i	Sommar-OL 1976, Sommar-OL 1968, Sommar-OL 1972

George Woods (11. februar 1943–30. august 2022) var ein USA-amerikansk kulestøytar frå Sikeston i delstaten Missouri som vann sølvmedaljen i øvinga både under sommarleikane 1968 i Mexico-byen og i 1972 i München, i den siste tevlinga vart han slått av olympiameisteren Władysław Komar med ein centimeter.

Aktiv

OL-sesongen 1968 sette Woods personbeste med 20,75 meter i Honolulu. I Sommar-OL i oktober 1968 i Mexico kneip Woods sølvmedaljen med 20,12 m, tre centimeter føre Eduard Gusjtsjin frå Sovjetunionen. Favoritten Randy Matson vart olympiameister med 20,54 m.

I 1972 kom Woods tilbake i verdseliten og sette personleg rekord med 21,38 meter i Compton den 4. juni. Under sommarleikane i München i byrjinga av september låg han på sjetteplass etter tre omgangar med 20,71 m. I den fjerde omgangen auka han til 21,17 m og sikra seg sølvmedaljen i ei rekordjamn tevling der det skilde 4 cm frå fyrste til fjerdeplass. Polske Władysław Komar sigra med ein margin på 1 centimeter til Woods.

Woods sette seks innandørs verdsrekordar i kulestøyt. Lengst støytte han 8. februar 1974 med 22,02 meter. Det var 20 cm lengre enn den dåverande verdsrekorden utandørs tilhøyrande landsmannen Al Feuerbach. Utandørs nådde Woods som lengst 21,63 meter i Modesto den 22. mai 1976. I dei [[Friidrett under Sommar-OL 1976|olympiske leikane i Montreal vart han sjuandemann med 20,26 m.

Medaljar og plasseringar i internasjonale meisterskap

• OL 1968 i Mexico-byen: Sølvmedalje – 20,12 m, bakom Randy Matson (20,54 m)
• OL 1972 i München: Sølvmedalje – 21,17 m, bakom Władysław Komar (21,18 m)
• OL 1976 i Montreal: Nr 7 – 20,26 m

Kjelder

• Denne artikkelen bygger på «George Woods (athlete)» frå Wikipedia på engelsk, den 14. oktober 2018.

• World Athletics