Gerdt Meyer Bruun

Frå Wikipedia – det frie oppslagsverket
Hopp til navigering Hopp til søk
Gerdt Meyer Bruun
Gerdt Henrik Meyer Bruun.jpg
Fødd 3. februar 1873
Død

17. april 1945

Yrke politikar

Gerdt Henrik Meyer Bruun (3. februar 187317. april 1945) var ein norsk fabrikkeigar frå Bergen, aktiv politikar i partiet Høgre.

Bruun var son til ein fabrikkeigar. Etter han gjekk ut frå Hambros skole i heimbyen var han sjømann i tida 1889-91. Frå 1892 arbeidde han på eit forretningskontor på Tyskebryggen i Bergen. Året etter vart han tilsett hos far sin, som dreiv reipslageri og drevfabrikk med meir. Han tok i 1897 over faren sine forretningar, og flytta i 1899 verksemda til Minde i Årstad i 1899. Styreformann i AS Gerdt Meyer Bruun til vinteren 1945.

Bruun var varaordførar i Årstad kommune 1902-07, deretter ordførar 1908-15. Ved stortingsvalet hausten 1918 vart han vald til å representerte einmannskrinsen Nygård og partiet Høgre på Stortinget. Brunn var då medlem i Lønningskomiteen til han sommaren 1920 fekk posten som handelsminister i den fyrste Halvorsen-regjeringa, ein posisjon han hadde i ganske nøyaktig eitt år. Seinare var han formann 1922-23 i Bergens Handelsforening og 1923-35 visepreses i Selskabet for de norske Fiskeriers Fremme.

Bruun eigde Villa Solhaug på Minde fram til skipsreiar Erik Grant Lea kjøpte eigedommen i 1915. I 1922 fekk Bruun bygt Storhaugen i Kirkeveien 62 på Paradis i Bergen, etter arkitekt Ole Landmark sine teikningar.

Kjelder[endre | endre wikiteksten]