Gerhard M. Gerhardsen
- For andre tydingar av oppslagsordet, sjå Gerhard Meidell Gerhardsen.
Gerhard M. Gerhardsen | |
Statsborgarskap | Noreg |
Fødd | 9. juli 1848 |
Død | |
Yrke | politikar |
Språk | norsk |
Politisk parti | Høgre |
Gerhard Meidell Gerhardsen (9. juli 1848–25. juli 1912) var ein norsk gardbrukar, lensmann og politikar frå Kvinnherad. Han var stortingsmann for Høgre i periodane 1892-97 og 1903-12.
Gerhardsen var son til ein gardbrukar. Han var ei kort tid skulelærar, og fekk i 1866 arbeid på kontoret til futen i Sunnhordland. Frå 1872 var han lensmann i Finnås, og gardbrukar på Teigland. Han var medlem i heradsstyret frå 1874 og styreformann i Moster Sparebank frå 1876 til 1907.
Gerhardsen var valmann i lang tid. Han representerte Søndre Bergenhus amt 1892-97 og 1903-06, alle sesjonane, unnateke 1904/05 medlem i Gasje- og pensjonskomiteen, då medlem i Kyrkjekomiteen. Frå 1906 til-12 var Gerhardsen vald frå einmannskrinsen Ytre Sunnhordland, han var då med i Kyrkjekomiteen, sekretær 1908-09 og formann 1910-12. Han var dessutan lagtingsmedlem frå 1903 til -12.
Han døydde i Kristiania, på tampen av 1912-sesjonen.
Kjelder[endre | endre wikiteksten]
- Lindstøl, Tallak: Stortinget og Statsraadet 1814-1914. Kristiania, 1914