Gianluca Pagliuca

Frå Wikipedia – det frie oppslagsverket
Gianluca Pagliuca
Gianluca Pagliuca med Sampdoria i 1989
Personleg informasjon
Fødselsdato 18. desember 1966 (57 år)
Fødestad Bologna i Italia
Høgd 190 cm
Posisjon Målvakt
Seniorkarriere*
År Lag Kampar (Mål)
1987-1994 Sampdoria 198 (0)
1994-1999 Inter 165 (0)
1999-2006 Bologna 248 (0)
2006-2007 Ascoli 23 (0)
Totalt 634 (0)
Landslag
1990-1998 Italia 39 (0)
* Seniorklubbkampar og mål berre telt for nasjonal liga

Gianluca Pagliuca (fødd 18. desember 1966) er ein italiensk tidlegare fotballspelar frå Bologna. Fotballmålvakta deltok i 592 kampar i Serie A, den italienske toppserien. Han vakta målet til Italia under VM-finalen 1994 mot Brasil.

Klubbspel[endre | endre wikiteksten]

Pagliuca var målvakt 1987-94 på Sampdoria, 1994-99 på FC Inter, deretter for Bologna FC til 2006 og til sist ein sesong for Ascoli. Pagliuca var sisteskanse i Sampdoria sin gullalder. Han var såleis med om å vinne vinne den nasjonale cupen og serien, samt den europeiske cupvinnarcupen. Derimot måtte han og lagkameratar som Gianluca Vialli og Toninho Cerezo tole tap i Europacupfinalen 1992 mot FC Barcelona. Pagliuca var kaptein då FC Inter vann UEFA-cupfinalen 1998 med 3-0 over SS Lazio, hans einaste triumf med storlaget frå Milano. Etter overgangen til Bologna kom ikkje Pagliuca i nærleiken av dei store pokaloppgjera.

Landslagsspel[endre | endre wikiteksten]

Pagliuca vakta Italia sitt mål i 39 kampar i tida 1991-95 og 1997-98. Før han debuterte, var Pagliuca i 1990 med i VM-troppa på heimebane. I tre av dei 39 kampane møtte han og Italia det norske landslaget til dyst. Den 13. november 1991 enda EM-kvalifiseringskampen i Genova 1-1, etter Jahn Ivar Jakobsen gav Noreg leiinga. Men ingen av laga kom til Fotball-EM 1992. I det andre møtet med Noreg vart Pagliuca den fyrste målvakta utvist i ein VM-kamp. Den 23. juni 1994 i East Rutherford, midtvegs i 1. omgang storma den norsk midtbanespelaren Øyvind Leonhardsen forbi det italienske midtforsvaret på eit gjennomspel. Pagliuca ruste ut forbi 16-meteren og stoppa ballen med ein viljehands. Italia vann likevel kampen med sine 10 mann, gjennom ei heading av Dino Baggio etter hjørnespark. Under VM i fotball 1998 var Pagliuca målvakt då Italia i åttedelsfinalane slo ut Noreg med 1-0 på stadion i Marseille. Seks dagar seinare klarte ikkje Pagliuca å hindre at arrangørlandet Frankrike tok seg vidare frå kvartfinalane ved straffesparktevling, hans siste kamp i landslagsdrakt.

Merittar[endre | endre wikiteksten]

  • VM-sølv: 1994 med Italia
  • Vinnar av cupvinnarcupen: 1990 med Sampdoria
  • Vinnar av UEFA-cupen: 1998 med FC Inter
  • Italiensk seriemeister: 1991 med Sampdoria
  • Italiensk cupmeister: 1988, 1989, 1994 med Sampdoria
  • Finaletap i Europacupen: 1992 med Sampdoria
  • Finaletap i cupvinnarcupen: 1989 med Sampdoria

Kjelder[endre | endre wikiteksten]