Giuseppe Meazza

Giuseppe Meazza

Meazza i 1934–1935-sesongen med Ambrosiana
Personleg informasjon
Fødselsdato	23. august 1910
Fødestad	Milano
Dødsdato	21. august 1979 (68 år)
Dødsstad	Lissone
Høgd	1,69 m
Posisjon	Angrepsspelar
Ungdomsklubbar
1922–1924	Gloria
1924–1927	Inter Milan
Seniorkarriere*
År	Lag	Kampar	(Mål)
1927–1940	Inter Milan	348	(240)
1940–1942	AC Milan	37	(9)
1942–1943	Juventus	27	(10)
1944	Varese	20	(7)
1945–1946	Atalanta	14	(2)
1946–1947	Inter Milan	17	(2)
Totalt		463	(270)
Landslag
1930–1939	Italia	53	(33)
Trenar for
1946	Atalanta
1946–1948	Inter Milan
1948–1949	Beşiktaş
1949–1951	Pro Patria
1952–1953	Italia
1955–1956	Inter Milan
1957	Inter Milan
Utmerkingar Fotball For Italia FIFA World Cup Vinnar 1934 Italia Vinnar 1938 Frankrike Den sentraleuropeiske internasjonale cupen Vinnar 1927–30 Vinnar 1933–35 Sølvmedalje 1931–32
* Seniorklubbkampar og mål berre telt for nasjonal liga

Giuseppe Meazza (23. august 1910–21. august 1979) var ein italiensk fotballspelar frå Milano som vart verdsmeister med Italia i 1934 og 1938. Han spelte på Inter 1927-40 og 1946/47, og vert rekna for å vere ein av Italias aller beste fotballspelarar.

Karriere

Klubbspel

Meazza debuterte på Inter, som då heitte Ambrosiana, i 1927. Han var sentral då klubben vann Serie A i 1930, i ein sesong der han vart toppskårar med 31 nettkjenningar. Også i 1936 og 1938 vart han toppskårar i serien, i 1938 vann han sin andre seriemeistertittel med Inter. Etter å ha vunne den italienske cupen i 1939 og vorte seriemeister med Inter for tredje gong våren 1940, skifte han beite.

I åra frå 1940 til 1946 veksla Meazza mellom å spele to sesongar for byrivalen AC Milan, ein sesong i Juventus, Varese og Atalanta Bergamo. Han avslutta med å spele på Inter att i 1946/47-sesongen.

Gjennom 20 år skåra Meazza 216 mål i Serie A, noko einast tre spelarar sidan har gjort han etter. Hans 197 seriemål for Inter er klubbrekord. Etter han døydde i 1979 vart heimearenaen til Inter og Milan omdøypt til Stadio Giuseppe Meazza.

Landslagsspel

Meazza debuterte for Italia 9. februar 1930 i ein heimekamp mot Sveits, der han skåra dei to siste måla og gav Italia sigeren 4-2. Då Italia møtte til VM-finale i 1934 i Roma, vart Meazza skadd tidleg i kampen, men måtte vere på bana sidan ein ikkje hadde innbytarar. Han var likevel involvert i angrepet som førte Italia i leiinga 2-1 i fyrste ekstraomgang og avgjorde kampen. Fire år seinare sende han Italia i føringa med 2-0 mot Brasil på eit straffespark i VM-finalen 1938, Italia vann til sist 2-1. Sommaren 1939 spelte Meazza sin 53. og siste landskamp borte mot Finland i Helsinki, eit oppgjer Italia vann 3-2. Han skåra i alt 33 landslagsmål, og er med det spelaren med nest flest landslagsmål for Italia, to bakom Luigi Riva. Meazza var landslagskaptein 1937-39.

Meazza til høgre, i ein kamp mot Juventus før 1933.

Merittar

• Verdsmeister: 1934 og 1938 med Italia
• Italiensk seriemeister: 1930, 1938 og 1940 med Inter
• Italiensk cupmeister: 1939 med Inter

Kjelder

• Denne artikkelen bygger på «Giuseppe Meazza» frå Wikipedia på tysk, den 25. september 2016.