Glente

Frå Wikipedia – det frie oppslagsverket
Hopp til navigering Hopp til søk
Glente
Glente
Glente
Utbreiing og status
Status i verda: LC LivskraftigUtbreiinga av Glente
Utbreiinga av Glente
Systematikk
Rike: Dyr Animalia
Rekkje: Ryggstrengdyr Chordata
Underrekkje: Virveldyr Vertebrata
Klasse: Fuglar Aves
Orden: Haukefuglar Accipitriformes
Familie: Haukefamilien Accipitridae
Slekt: Milvus
Art: Glente M. milvus
Vitskapleg namn
Milvus milvus

Glente eller raud glente (Milvus milvus) er ein rovfugl i haukefamilien som har leveområdet sitt vesentleg i Europa.

Skildring[endre | endre wikiteksten]

Dette er ein mellomstor medlem av haukefamilien, ca. 60 til 72 centimeter i kroppslengd, vengespennet kan bli opp til 1,7 meter, kroppsmassen opp mot 1,6 kilogram. Hofuglar er litt større enn hannar, elles er kjønna like. Glentar er mest kjennelege på kileforma stjert, lange venger, bøygde i flukta og stort, lyst felt mot enden av vengene. Oversida av stjerten er raudbrun, hovudet er lyst, grått, elles er fjørdrakta i stor grad brun.[1][2]

Leveområdet er frå Sør-Sverige og Storbritannia i nord, Polen i nordaust og sørvestover til Iberiahalvøya. Nokre har vinteropphald i Nordvest-Afrika. Avgensinga av området mot aust for denne arten er usikker.

Glente er ein sjeldan fugl i Noreg. I dei siste åra har det likevel vore observert fleire og fleire individ. Det er spesielt langs kysten frå Østfold til Rogaland at det ikkje er uvanleg å sjå glenten,[3] og då oftast i april månad.[4] Næraste hekkeområde er Sør-Sverige der han er trekkfugl.

Habitat er i låglandsskog, ved jordbruksland og heier, opptil 1600 moh i Sveits. Dei kan søke føde nær opptil urbane område. Føda er helst åtsel, levende byttedyr kan vere fuglar, fugleungar, små pattedyr, reptilar og anna. Dei kan stjele føde frå andre rovfuglar.[1]

Hekking

Hoa byggjer eit relativt lite reir i toppen av høge tre. Reiret består av pinnar, kvistar og gjerne papir og tøyrestar ho finn. Hoa tar gjerne over andre rovfuglreir. I slutten av april eller starten av mai legg hoa 2 til 4 egg. Egga blir klekkt etter 30 dagar. Ungane blir i reiret til dei er 7 til 8 veker gamle. Først då er dei flygedyktige. Dei bur framleis i reiret i eit par veker til for å få føde. Hoa blir kjønnsmogen etter to år. Hannen blir som oftest kjønnsmogen når han er tre år.

Galleri[endre | endre wikiteksten]

Kjelder[endre | endre wikiteksten]

Referansar
  1. 1,0 1,1 Haftorn, Svein (1971). Norges fugler. Universitetsforlaget. s. 133. 
  2. Svensson, Lars et al (2011). Gyldendals store fugleguide. Gyldendal norsk forlag. ISBN 9788205418820.
  3. Tor Audun Olsen (02.01.2012). «Endringer på Norgeslisten og NSKFs rapporteringsliste». Norsk ornitologisk forening. 
  4. «Artsobservasjoner - rapportsystem for arter i Norge». Henta 11. mai 2021. 

Bakgrunnsstoff[endre | endre wikiteksten]

Commons-logo.svg Wikimedia Commons har multimedia som gjeld: Glente
Wikispecies
Wikispecies har taksonomisk informasjon om Milvus milvus