Granvin kyrkje

Granvin kyrkje
kyrkje
Land	Noreg
Fylke	Vestland
Kommune	Voss
Kyrkjesamfunn	Den norske kyrkja
Bispedøme	Bjørgvin
Prosti	Hardanger og Voss
Sokn	Granvin
Fellesråd	Granvin
Type	Langkyrkje
Material	Tre
Innvigd	1726
•  Endringar	1853, nytt tårn 1911, nytt våpenhus
Kyrkjegard	Ved kyrkja
Sitjeplassar	350
Granvin kyrkje 60.55527778°N 6.73194444°E / 60.55527778; 6.73194444
Wikimedia Commons: Granvin kyrkje

Granvin kyrkje er ei tømra langkyrkje frå 1726, som ligg i Voss herad i Vestland ved austsida av Granvinsvatnet, ved riksveg 13. Kyrkja erstatta Granvin stavkyrkje som måtte rivast grunna råte i 1720-åra. Fyrste gong Granvinskyrkja er nemnd i skriftlege kjelder er i 1306.

Kyrkja blei freda av Riksantikvaren i 2012.

Inventar

Kyrkja har ein del eldre inventar, døypefonten og eit alterskåp er frå mellomalderen og eit krusefiks og kyrkjeklokker er frå 1500-talet.

Kyrkja var opphavleg dekorert med veggmåleri av figurar og hendingar frå bibelsoga innvendig, men dei vart kalka over på 1800-talet. I 1926 vart kyrkja på nytt dekorert innvendig, no med rosemåling av kunstnaren Lars Osa frå Ulvik. Altertavla er måla av Nils Bergslien, og viser Jesus i tempelet som tolvåring og er frå 1911.

Kjelder

• Norges kirker: «Granvin kyrkje» på nettstaden til Norsk institutt for kulturminneforskning

Bakgrunnsstoff

• Om Granvin menighet på nettstaden til Den norske kyrkja
• Eldre fotografi av Granvin kyrkje på nettstaden fotogranvin.com
• Eldre fotografi av Granvin kyrkje på nettstaden Galleri NOR (Nasjonalbiblioteket)
• Skanna kyrkjebøker frå Hordaland på nettstaden til Arkivverket
• Oversyn over gravminne i Granvin herad på nettstaden disnorge.no
• Granvin kyrkje i kulturminnesok.no, nettstaden til Riksantikvaren
• «Granvin kyrkje». Kirkesøk. Den norske kyrkja.

Vidare lesnad

• Alfred Hamre: Granvin kyrkje : festskrift utgjeve i høve 250 års høgtida : 1726-1976, Granvin sokneråd 1976