Granvinsfjorden
60°28′57.360″N 6°39′7.9992″E / 60.48260000°N 6.652222000°E
| Granvinsfjorden | |||
| fjord | |||
 Granvin bruk inst i Granvinsfjorden. | |||
| Land |  Noreg | ||
|---|---|---|---|
| Fylke | Vestland | ||
| Kommune | Voss | ||
 Granvinsfjorden 60°28′57″N 6°39′07″E / 60.4825°N 6.65194°E | |||
| Wikimedia Commons: Granvinsfjorden | |||
Granvinsfjorden er ein fjordarm av Hardangerfjorden i Voss herad. Fjorden startar der Indre Samlafjorden deler seg i Granvinsfjorden mot nordaust og Utnefjorden mot søraust. Dei ytste delane av fjorden ligg òg innanfor Ullensvang kommune.
Innløpet til fjorden ligg mellom Furenes ved Tjoflot på austsida og Håstabbenes på vestsida og strekkjer seg 9,5 km nordaustover til sjølve Granvin. Om lag 2 km inn i fjorden ligg Kvanndal og frå her går det ferjesamband sørover til Utne og Kinsarvik.
2,5 km lenger inn i fjorden ligg bygdene Folkedal på nordsida og Hamre på sørsida. Frå her og inn til botn ved Eide i Granvin er det ingen andre busetnader. Fjorden er omgjeven av høge fjell som Oksen og Ingebjørgfjellet i sør og Gråfjellet, Kalvbakkehøgdi, Steinsethorgi og Smøreggi i nord. Dei to på sørsida av fjorden er dei høgaste, begge over 1200 meter over havet.