Gresk Thráki

Θράκη Thráki
(Nasjonalflagg)
Land:	Hellas
Hovudstad:	Komotiní
Periferi:	Aust-Makedonía og Thráki
Folketal:	346 259
Areal:	8 578 km²
Folketettleik:	40,3/km²
Heimeside:	Ministry for Macedonia–Thrace

Thráki (gresk Θράκη) eller Gresk Thráki, òg kalla Vest-Thrakia, er den nordaustlegaste av dei tradisjonelle regionane i Hellas. Thráki og regionane Thessalía og Makedonia vert ofte uoffisielt kalla Nord-Hellas.

Området dekkjer den sørvestlege delen av Thrakia og var ein del av Det osmanske riket fram til den første balkankrigen i 1912. I den andre balkankrigen kjempa Bulgaria og Hellas om området, men i București-traktaten tilfall Vest-Thrakia Bulgaria, som hadde kontroll over området til slutten av den første verdskrigen. Etter bulgarsk tap i denne krigen vart Vest-Thrakia ein permanent del av Hellas i 1919-1920.

Geografi

Gresk Thráki omfattar periferieiningane (tidlegare prefektura) Évros, Rodópi og Xánthi og inngår i periferien Aust-Makedonía og Thráki. I vest grensar regionen til Makedonia langs elva Néstos (Mesta), i nord dannar Rodopifjella ei grense mot Den thrakiske sletta (Nord-Thrakia), og mot aust er det elva Évros (Maritsa) som dannar grense mot Tyrkia og Aust-Thrakia, med unntak av eit lite område utanfor Edirne, der grensa går eit stykke inn på vestbreidda av elva.

Byar

Dei største byane i Thráki (2021) er:
1. Alexandroúpoli	59 476
2. Xánthi	58 748
3. Komotiní	51 732
4. Orestiáda	18 164
5. Didymótikho	8 611

Periferieiningane

Dei tre thrakiske periferieiningane er:

	Periferi	Hovudstad	Areal	Folketal 2021
	Thráki Del av Aust-Makedonía og Thráki  består av:
1	Periferieininga Xánthi	Xánthi	1 793 km²	108 195
2	Periferieininga Rodópi	Komotiní	2 543 km²	104 262
3	Periferieininga Évros	Alexandroúpoli	4 242 km²	133 802
Totalt	Thráki	Komotiní	8 578 km²	346 259