Grogram

Frå Wikipedia – det frie oppslagsverket
Hopp til navigering Hopp til søk
Person skildra som «ornamented with a large white wig, composed of goats hair, a huge cocked hat, a coat of brown grogram with large cuffs» i soga «The Spectre Ship» gjeve ut i 1845.

Grogram er eit engelsk omgrep for eit grovt stoff av blanda materiale,[1] som silke, mohair[2] og ull. Ein kunne gjera stoffet stivar med silkelim.[3] Grogram var mykje brukt til klede som jakkar fram til slutten av 1800-talet.[4] Den britiske admiralen Edward Vernon er kjend for å ha brukt ein frakk av grogram, og hadde derfor tilnamnet «Old Grog».

Ordet «grogram» er avleidd av fransk gros grain, 'grov struktur'.[1] Namnet på stofftypen grosgrain har ei liknande avleiing, men dette viser i dag som regel til sterke vovne band.[2][5]

Kjelder[endre | endre wikiteksten]

  1. 1,0 1,1 Hoad, T. F., red. (1996). «grogram». The Concise Oxford Dictionary of English Etymology. Oxford University Press. 
  2. 2,0 2,1 Cappelens store engelsk-norsk ordbok. Oslo: Cappelen. 1988. ISBN 8257406570. 
  3. «grogram». Australian Oxford Dictionary. Oxford University Press. 2004. 
  4. «grogram - Dictionary Definition», Vocabulary.com, henta 16. juni 2019 
  5. Stevenson, Angus; Christine A. Lindberg, red. (2010). «grosgrain». New Oxford American Dictionary. Oxford University Press.