Guingamp

Guingamp
Horisonten til Guingamp
Styresmakter
Land Region Departement	Frankrike Bretagne Côtes-d'Armor
Geografi
Flatevidd  - By	3,41 km²
Innbyggjarar  - By (1999)    - folketettleik	8 008   2 348/km²
Koordinatar	48°33′″N 03°09′″W
Høgd over havet	93 m
Tidssone	CET (UTC+1)
Diverse anna
Postnummer	22200
Nettstad: www.ville-guingamp.fr

Guingamp (bretonsk Gwengamp) er ein by og kommune nordvest i Frankrike. Han er sous-préfecture (underprefektur) i departementet Côtes-d'Armor i regionen Bretagne og har om lag 8 000 innbyggjarar.

Historie

Guingamp var ein kjøpstad i romartida mellom Normandie og nordvestlege delar av Bretagne. På 800-talet vart det bygd ei festning her, som dei bretonske troppane til Charles de Blois under leiing av Bertrand du Guesclin i 1364 samla seg ved før slaget ved Auray.

Seinare utvikla Guingamp seg til eit regionssenter for veving.

Kultur

Frå basilikaen Notre-Dame de Bon-Secours de Guingamp.

Historiske bygg

I byen finst mellom anna basilikaen Notre-Dame de Bon Secours frå 1000- til 1500-talet, som er eit pilgrimsmål, klosteret Sainte-Croix de Guingamp, grunnlagd rundt 1135 og slotta Château de Pierre II og Château des Salles frå 1400-talet.

Bagad Gwengamp i 2011.

Musikk og dans

Guingamp er rekna som hovudstad for bretonsk dans. Byen arrangerer årleg Festival de la Saint-Loup, ein internasjonal festival med særleg vekt på dans. Festivalen omfattar ei tevling i bretonsk dans, og blir tradisjonelt avslutta med folkedansen Dérobée de Guingamp. Byen har eit sekkepipekorps, Bagad Gwengamp, og eit lag for folkedans og -musikk, Kroaz Hent Gwengamp.

Idrett

Den lokale fotballklubben er En Avant de Guingamp, som har spelt i den lokale eliteserien.

Bakgrunnsstoff

• Turistkontoret i Guingamp

Kjelder

• Delar av denne artikkelen bygger på «Guingamp» frå Wikipedia på fransk, den 28. juni 2012.