Gunnar Greve Pettersen
| Gunnar Greve Pettersen | |
 | |
| Fødd | 9. mars 1982 |
|---|---|
| Fødestad | Bergen i Hordaland i Noreg |
| Fødenamn | Gunnar Greve Pettersen |
| Alias | Gest |
| Opphav | Noreg |
| Sjanger | Hiphop, rap |
| Instrument | Vokal |
| Verka som | Songar |
Gunnar Greve Pettersen, og kjend som Gest (fødd 9. mars 1982) er ein norsk hiphop-artist og rappar. I 2011 var han dommar i fjernsynsprogrammet Idol på TV2.[1]
Han rappa i bandet Spetakkel frå 1999 til 2005, saman med «TomTom», «Piddi» og «Trost», og med «DJ Leven» som snurra plater. Gest og Piddi hadde i 1996 også danna gruppa Lynx Connection (seinare Verbally Vicious).
Dei siste åra har han jobba som soloartist. I 2006 var han ein av artistane på Dans til musikken, eitt samlealbum som blei gitt ut for å heidre Lasse Myrvold sitt bidrag til norsk musikkhistorie, og i 2007 gav han ut debutalbumet sitt, I Grevens Tid.
Februar 2009 hadde han konsert på VilVite-senteret i Bergen, i samanheng med maritim yrkesmesse. 22. juni 2010 song han på opninga av Bybanen i Bergen på Nesttun.
Han har også vore sjef i Nordnæs Bataillon.
Referansar[endre | endre wikiteksten]
Kjelder[endre | endre wikiteksten]
- Denne artikkelen bygger på «Gunnar Greve Pettersen» frå Wikipedia på bokmål, den 8. april 2011.