Gunnar Johnsen

Frå Wikipedia – det frie oppslagsverket
Hopp til navigering Hopp til søk
Gunnar Johnsen
Fødd28. mai 1924
Oslo
Død10. februar 2001
Statsborgar avNoreg
PartiHøgre
Yrkepolitikar, journalist, redaktør

Gunnar Johnsen (28. mai 192410. februar 2001) var ein norsk pressemann og Høgre-politikar frå Oslo.

Johnsen tok examen artium i 1944 og studerte filologi ved Universitetet i Oslo 1946-49. Deretter var han journalist i Sandefjords Blad. Via Høgres Pressebyrå vart han i 1954 tilsett som politisk journalist i Drammens Tidende og Buskeruds Blad, politisk redaktør 1961-77 og sjefredaktør i avisa frå 1977 til 1992.

Johnsen var medlem av Drammen bystyre 1959–63 og av Drammen skulestyre 1960–72, medlem av Buskerud fylkesskulestyre 1964–75. Han var medlem av landsstyret og sentralstyret i Høgre 1968–78 og formann i Buskerud Høgre 1970–78.

Han representerte Buskerud og Høgre på Stortinget 1973–77, men sa frå seg attval då han vart boden stillinga som sjefredaktør i Drammens Tidende og Buskeruds Blad. På Tinget var han medlem av Forsvarskomiteen.

Kjelder[endre | endre wikiteksten]