Guri Hjeltnes

Frå Wikipedia – det frie oppslagsverket
Hopp til navigering Hopp til søk
Guri Hjeltnes
Guri Hjeltnes.jpg
Fødd23. oktober 1953
Stavanger kommune
NasjonalitetNoreg
OmrådeFelttoget i Norge i 1940
Yrkejournalist, professor, historikar
InstitusjonarHandelshøyskolen BI
EktefelleBernt Hagtvet

Guri Hjeltnes (fødd 23. oktober 1953 i Stavanger)[1] er ein norsk historikar og journalist, og direktør ved Senter for studier av Holocaust og livssynsminoriteter (HL-senteret). Frå 2004 var ho professor ved Institutt for kommunikasjon ved Handelshøgskolen BI og ho tiltredde som prorektor 1. januar 2008. Hjeltnes har vore involvert i utviklinga av BI sitt journalistutdanningsprogram som gav ein bachelor i medieutvikling og journalistikk.

Bakgrunn[endre | endre wikiteksten]

Hjeltnes er dr. philos. i historie frå Universitetet i Oslo 2002. Innanfor journalistikk er ho kjent som mangeårig leiar av SKUP-juryen. Hjeltnes var medlem i Brurås-utvalet som i 2003 gav ei vurdering av handteringa til media av Tønne-saka.

Ho har sjølv arbeidd som journalist blant anna i Arbeiderbladet, og har som historikar skrive fleire bøker, særleg knytt til norsk okkupasjonshistorie.[2] Mellom dei er Avisoppgjøret etter 1945, og dessutan to bind i Handelsflåten i krig og Hverdagsliv i krig. Sistnemnde vart kåra til ei av dei ti viktigaste norske bøkene om andre verdskrigen av ein historikarjury i 2015.

I 2004 vart Hjeltnes først tilsett i avisa Verdens Gang, før ho etter to månader slutta for å tiltre i eit nyopprette professorat i journalistikk ved BI. Ho skriv likevel framleis ofte politiske kommentarar i VG.

Hjeltnes vart utnemnd til medlem av 22. juli-kommisjonen i statsråd 12. august 2011.

Ho er gift med statsvitaren Bernt Hagtvet.

Bibliografi[endre | endre wikiteksten]

  • Den norske nasjonalsosialismen – sakprosa (1982) saman med Hans Fredrik Dahl og Bernt Hagtvet
  • Hver fredag foran porten – sakprosa (1984) saman med Wanda Heger
  • Hverdagsliv bind 5 i serien Norge i krig ; sakprosa (1987)
  • Avisoppgjøret etter 1945 – sakprosa (1990)
  • Krigshverdag. Bilder fra norske familiealbumer 1940-1945 – sakprosa (1990)
  • Tokt ved første nymåne. Felttoget 1940. Invasjon med kamera og panservogn – sakprosa (1990), saman med Odd V. Aspheim
  • Norsk krigsleksikon 1940-1945 – sakprosa (1995), bidragsytar og medredaktør
  • Handelsflåten i krig 1939-1945, bind 3: Sjømann – lang vakt – sakprosa (1995)
  • Handelsflåten i krig 1939-1945, bind 4: Krigsseiler – krig, hjemkomst, oppgjør – sakprosa (1997)
  • Ordet er fritt! Ein bok til Preben Munthe – sakprosa (2000) bidragsytar og medredaktør
  • Barn under krigen – sakprosa (2000), saman med Berit Nøkleby
  • Det elegante uromoment; Hans Fredrik Dahl og offentligheten, festskrift til Hans Fredrik Dahl, Pax, 2009, redaktør saman med Bernt Hagtvet og Henrik G. Bastiansen

Prisar og utmerkingar[endre | endre wikiteksten]

  • Norsk språkpris 1998
  • Sverre Steen-prisen (2009)
  • Anders Jahres kulturpris (2016) for arbeidet med historia til krigssiglarane (delt med Jon Michelet, Helge Jordal og Bård Rasmussen)

Kjelder[endre | endre wikiteksten]

  1. Lauritz Jenssen, Hugo (30. juli 2016). «Minnepinen». Dagens Næringsliv. s. 26-28. 
  2. «Minnepinen». Dagens Næringsliv (Magasin). 30. juli 2016. 

Bakgrunnsstoff[endre | endre wikiteksten]