Gvarv

Frå Wikipedia – det frie oppslagsverket
Gå til: navigering, søk
Gvarv
tettstad
none  Gvarv stasjon
Gvarv stasjon
Land Flag of Norway.svg Noreg
Fylke Telemark
Kommune Sauherad
Areal 1,46 km²
Folketal 1 044 (2015)
Folketettleik 715 / km²
Postnummer 3810 GVARV
Preposisjon Gvarv
Wikimedia Commons: Gvarv

Gvarv er den største tettstaden i Sauherad kommune i Midt-Telemark. Han ligg ved den nordvestre enden av innsjøen Norsjø, om lag 7 km aust for , 30 km sør Notodden og 45 km nordvest for Skien.

Gvarv har vore tingstad heilt frå førhistorisk tid. Ting vart halde på Tinghaug, like aust for Gvarv, fram til midt på 1800-talet, då tingstaden vart flytt inn til sjølve Gvarv. Nedre Telemark tingrett vart nedlagd i 2007, og dermed var ein eldgammal tradisjon forbi.

Dampskipstrafikken på Norsjø og bygginga av Telemarkskanalen gjorde Gvarv til ein betydeleg handels- og møtestad. Saude og Nes sparebank var Sauherads første bank, og heldt til på Gvarv frå skipinga i 1867 til han vart flytta til Akkerhaug i 1904.

I 1922 fekk staden jarnbanetrafikk, då strekninga Nordagutu-Gvarv på Sørlandsbanen vart ferdig, og det sette ytterlegare fart på veksten i Gvarv. I dag stoppar ikkje toga ved stasjonen, men dei næraste stoppestadane er Bø og Nordagutu.

Det solrike og varme klimaet sommarstid gjev gode tilhøve for frukt- og bærdyring som er ein viktig næringsveg i området. Gvarv fruktlager ligg sentralt i bygda.

Namnet Gvarv skal kome av gamalnorsk hvarf ('krumming'), og skal vise til svingen Bøelva tek der. [1]

Sauherad barne- og ungdomsskule, den einaste grunnskulen i kommunen, ligg på Gvarv, likesom Sagavoll folkehøgskole.

Området har ei stor stamme av frittlevande bever, og det vert arrangert beversafari for turistar og andre interesserte.

Folketalsutvikling[endre | endre wikiteksten]

Folketalsutvikling på Gvarv
År Innbyggjarar
1930
  
226
1946
  
301
1950
  
286
1960
  
415
1970
  
627
1980
  
837
1990
  
790
2000
  
793
2009
  
943
2012
  
980
Kjelder: SSB: Norske folketeljingar

Kjelder[endre | endre wikiteksten]

Referansar[endre | endre wikiteksten]

  1. Red: Sandnes, Jørn og Stemshaug, Ola: Norsk stadnamnleksikon. Det Norske Samlaget, Oslo 1997 ISBN 82-521-4905-7
Spire Denne geografiartikkelen som har med Telemark å gjere er ei spire. Du kan hjelpe Nynorsk Wikipedia gjennom å utvide han.