Gwen Stefani
| Gwen Stefani | |||
.jpg) | |||
| Fødd | 3. oktober 1969 (56 år) | ||
|---|---|---|---|
| Fødestad | Fullerton | ||
| Fødenamn | Gwen Renée Stefani | ||
| Opphav | USA | ||
| Aktiv | 1986– | ||
| Sjanger | pop, moderne R&B, ska, electronica, new wave, rock | ||
| Instrument | vokal | ||
| Stemmetype | mezzosopran | ||
| Plateselskap | Interscope Records | ||
| Verka som | songar, rappar, songar-låtskrivar, motedesigner, skodespelar, popsanger, musikar | ||
| Gift med | Gavin Rossdale, Blake Shelton | ||
| Sambuar med | Blake Shelton | ||
| Born | Kingston Rossdale, Zuma Rossdale, Apollo Rossdale | ||
| Prisar | American Music Award for Favorite Pop/Rock Female Artist, Billboard Music Award for Top New Artist, BRIT Award for International Female Solo Artist, MTV Video Music Award for Best Choreography, MTV Video Music Award for Best Art Direction, Grammy Award for Best Rap/Sung Collaboration, Grammy Award for Best Pop Performance by a Duo or Group with Vocals, Grammy Award for Best Pop Performance by a Duo or Group with Vocals | ||
Gwen Renee Stefani (fødd 3. oktober 1969) er ein amerikansk songar og frontfigur i bandet No Doubt. Ho er også motedesignar og skodespelar. Ho byrja ein solokarriere i 2004 med albumet Love Angel Music Baby. Stefani er kjent som ein trendsetjar, og varemerka hennar er raud leppestift og platinablondt hår. Ho lanserte også ein kleskolleksjon i 2004 som heitte L.A.M.B.
Barndom og karriere
[endre | endre wikiteksten]Gwen Stefani blei fødd i Fullerton i California, og voks opp i Anaheim i same delstat. Far hennar, Dennis, er italiensk-amerikanar og mor hennar, Patti, er av irsk og skotsk avstamming. Ho har ei søster, Jill, og to brør, Eric og Todd. Stefani gjekk på Loara High School og var med på symjelaget til skulen. Scenedebuten hennar var i ein talentkonkurranse som skulen arrangerte, der ho framførte songen «I Have Confidence» frå musikalen Sound of Music. Seinare studerte ho på California State University i Fullerton. Den fyrste jobben hennar var å vaska golv på ein Dairy Queen, og ho har arbeidde også i ei daglegvareforretning.
Stefani, broren Eric, og vennen John Spence grunnla No Doubt i 1986. Stefani blei vokalist i gruppa etter at Spence tok sitt eige liv i desember 1987. I 1994 slutta Eric som keyboardspelar i bandet for å byrja med animasjon i TV-serien Simpsons.
Det tok tre år å fullføra det tredje albumet til bandet, Tragic Kingdom, og i denne perioden blei gruppa nesten oppløyst. Albumet blei gitt ut i 1995 og fekk ei rekkje hitlåtar. Den fyrste singelen var «Just a Girl». Mange av songane på albumet, som «Don't Speak» og «Spiderwebs», var inspirert av Stefani sitt åtte år lange forhold og etterfølgjande brot med bandmedlemmen Tony Kanal. Etter suksessen med Tragic Kingdom blei Stefani svært populær og gjenkjenneleg; spenninga som dette medførte med dei andre medlemmene av bandet blei illustrert i musikkvideoen deira for «Don't Speak». Stefani gjekk inn i ein depresjon etter turneen for Tragic Kingdom.
I 2001 gav No Doubt ut det toppseljande fjerde albumet sitt, Rock Steady, som inneheldt songane «Hey Baby».
Det fyrste soloalbumet til Stefani, Love. Angel. Music. Baby., blei gitt ut i USA den 23. november 2004. Det selde fleire kopiar i den fyrste veka enn noko No Doubt-album (350 000), og debuterte på 7.-plass på Billboard-lista. Albumet selde til platina i USA etter fire veker. Den fyrste singelen som blei gitt ut, «What You Waiting For?», debuterte på 1.-plass på det australske Arias singeldiagram, på fjerdeplass i Storbritannia og nådde 47.-plass på amerikanske hitlister. Den andre singlelen var «Rich Girl», ein duett med rapparen Eve som var produsert av Dr. Dre. Han er delvis ein coverlåt av songen «If I Were A Rich Man» frå musikalen Spelemann på taket, med ein dancehall-beat.
I 2006 gav ho ut det andre soloalbumet sitt, The Sweet Escape, til gode kritikkar. I den fyrste singelen, «Wind It Up», sampla ho ein liten del av songen «The Lonely Goated» frå musikalen Sound of Music. Albumet nådde tredjeplassen på Billboard-lista. Den andre singelen, «The Sweet Escape», der ho song med Akon, hadde også gode salstal. Seinare same år stadfesta ho at ho ville gå tilbake til No Doubt.
Andre prosjekt
[endre | endre wikiteksten]I 2004 lanserte Stefani kleskolleksjonen L.A.M.B. (Love. Angel. Music. Baby.). Ho nytta sjølv klede og tilbehøyr frå denne kolleksjonen. Nicky Hilton, Paris Hilton, Pamela Anderson, Carmen Electra, Nicole Richie, Jenny McCarthy, Alicia Keys og Halle Berry blei også sett med L.A.M.B.
I 2004 hadde Stefani filmdebut i ei lita rolle som Jean Harlow i The Aviator regissert av Martin Scorsese. Same året gav ho også stemma si til tittelkarakteren i Malice, eit dataspel for PS2 og Xbox.
Frå 2014 til 2017 var Gwen Stefani ein del av dommarpanelet i The Voice.
Album
[endre | endre wikiteksten]- Love. Angel. Music. Baby. (2004)
- The Sweet Escape (2006)
- This Is What the Truth Feels Like (2016)
- You Make It Feel Like Christmas (2017)
- Bouquet (2024)
Singlar
[endre | endre wikiteksten]- «What Are You Waiting For?»
- «Rich Girl»
- «Hollaback Girl»
- «Cool»
- «Luxurious»
- «Crash»
- «Wind It Up»
- «The Sweet Escape»
- «4 in the Morning»
- «Now That You Got It»
- «Early Winter»
- «Baby Don't Lie»
- «Spark the Fire»
- «Used to Love You»
- «Make Me Like You»
- «Misery»
Bakgrunnsstoff
[endre | endre wikiteksten]
 |