Håkan Lidman
| Håkan Lidman | |
 | |
| Statsborgarskap | Sverige |
| Fødd | 31. januar 1915 Göteborg |
| Død | |
| Yrke | friidrettsutøvar |
| Høgd | 189 centimeter |
| Håkan Lidman på Commons | |
Erik Håkan Lidman (31. januar 1915–6. juni 2000) var ein svensk friidrettsutøvar frå Göteborg. Han vart europameister på 110 meter hekk i 1946, åtte år etter han fekk EM-sølv i same øvinga.
Lidman var svensk meister på korthekken i tida 1934-45 og 1947-48. Han tok seg til finalen på 110 m hekk under Sommar-OL 1936 i Berlin, der han med tida 14,5 sekundar enda på fjerdeplass. To år seinare tok han sølvmedaljen då EM i friidrett 1938 fann stad i Paris, britiske Don Finlay vann tevlinga på 14,3 og Lidman fekk notert 14,5. I 1940 sette Lidman europarekord i 110 m hekk med tida 14,0, fyrst i 1956 vart rekorden sletta.
Under EM i friidrett 1946 i Oslo vann Lidman gullmedaljen på korthekken etter å ha vorte klokka inn på 14,6 sekundar, belgiske Pol Braekman tok sølv på 14,9. Same sesongen stilte han ikkje opp i den svenske friidrettsmeisterskapen, i protest mot at det svenske friidrettsforbundet hadde utestengd fleire utøvarar på livstid (for brot på amatørreglementet).
Lidman kvalifiserte seg også til OL-finalen på 110 m hekk i London i 1948, men enda som sjette og sistemann.
Han døydde i Estepona i Spania, 85 år gammal
Kjelder[endre | endre wikiteksten]
- Denne artikkelen bygger på «Håkan Lidman» frå Wikipedia på engelsk, den 24. august 2016.
Bakgrunnsstoff[endre | endre wikiteksten]
- «Håkan Lidman» (på engelsk). Olympedia. Henta 5. mars 2023.