Hadeland

Frå Wikipedia – det frie oppslagsverket
Hopp til navigering Hopp til søk
Sjå òg avisa Hadeland

Hadeland er ein region i Viken og Innlandet fylke. Det ligg aust for den sørlege delen av Randsfjorden. Det omfattar kommunane Jevnaker og Lunner i Viken fylke og Gran i Innlandet fylke. Hadeland grensar mot Nittedal kommune i sør, Ringerike kommune i vest, Vestre Toten kommune og Søndre Land kommune i nord og Hurdal og Nannestad kommunar i aust.

Folk frå Hadeland blir kalla hadelendingar. Regionen har eit aktivt reiseliv. Ny riksveg 35 frå Grua til Gardermoen vart opna hausten 2004.

Historie[endre | endre wikiteksten]

Namnet Hadeland kjem frå haðar ('krigar, stridsmann'), og har vore nemninga på folket som har vore busett i området. Eldste dokumentasjon av namnet er i form av runerDynnasteinen som står på garden Dynna i Gran. Runeinnskrifta er tidsett til ca. 1040.

Geografi[endre | endre wikiteksten]

Elva Vigga renn nordover gjennom Lunner og Gran til Randsfjorden, og desse to kommunane dannar Viggadalen, medan Jevnaker vender seg geografisk mot Ringerike.

Bakgrunnsstoff[endre | endre wikiteksten]