Halifax i England

Halifax
by
Land	England
Region	West Yorkshire
Distrikt	Calderdale
Areal	20,73 km²
Folketal	104 100 (2021)
Postnummer	HX1-7
Retningsnummer	01422
Halifax i England 53.725°N 1.863°W / 53.725; -1.863
Wikimedia Commons: Halifax, West Yorkshire

Halifax er ein by i West Yorkshire i det nordlege England. Han voks fram som eit sentrum for ullproduksjon frå 1400-talet. Byen er administrasjonssenter for den sameinte styresmakta Calderdale.

Namnet blir sagt å vere ei forvansking av det gammalengelske ordet for holy (heilagt) og face (andlet), ein referanse til ei segn om at Johannes Døyparen vart gravlagt der. Legenda oppstod i mellomalderen, og vart så viktig for byen av byvåpenet har eit bilete av helgenen. Soknekyrkja, som vart reist på 1100-talet, er vigd til Johannes Døyparen.

Soge

Halifax Piece Hall var ein marknadshall der stykke av ullstoff vart selt. Han opna 1. januar 1779, og var berre open to timar i veka, på laurdag morgon. I den korte perioden var det hektisk aktivitet i dei 315 romma som vart leidd av handelsmenn. Etter mekaniseringa av ullindustrien vart hallen omgjort til ein offentleg marknad. Denne er framleis i bruk. Tidlegare låg Calderdale industrimuseum i hallen, men det har vorte nedlagt.

Rådhuset vart bygd i 1863 av Charles Barry, som òg stod bak den moderne utforminga av Parlamentsbygningane i London. Wainhouse Tower frå 1871 er ei underleg fabrikkpipe, bygd som ein kuriositet for ein tøyfargefabrikk som aldri vart teke i bruk. Han har ein indre vindeltrapp som fører opp til ein observasjonsplattform med utsikt over byen.

Halifax frå Beacon Hill. Foto: Gary Overend

Halifax var frykta for Halifax gibbet, ein tidleg form for giljotin som vart brukt til å halshogge forbrytarar. Han vart sist brukt i 1650, og er altså langt eldre enn den meir kjende franske halshoggingsmaskinen. Ein kopi har vorte sett opp i Gibbet Street, der originalen ein gong stod. Rettsvesenet i Halifax var kjent for å vere spesielt strengt, og den korte bønna som blir kalla Tiggarklagesongen lyder: «From Hull, Hell and Halifax, Good Lord deliver us!» («Fri oss, Herre, frå Hull, helvete og Halifax»).

Kjelder

• Denne artikkelen bygger på «Halifax (England)» frå Wikipedia på bokmål, den 12. juli 2011.

Bakgrunnsstoff

Commons har multimedium som gjeld: Halifax i England